Almaty dárigerleri til obyryna shaldyqqan adamǵa alǵash ret kúrdeli ota jasady, dep habarlaidy "Ult aqparat".
Mamandardyń aitýynsha, mundai diagnozdyń saldarynan kóp adamdar sóileý, tamaq ishý qabiletinen airylyp qalady.
42 jastaǵy Almaty onkologiialyq ortalyǵyna til túbiri isigimen túsken. Oǵan dereý 4 himioterapiia kýrsy belgilendi. Alaida himiialyq kýrstardan soń da naýqastyń jaǵdaiy nasharlai bergen.
Dárigerler isikti alyp tastaýǵa bel býady. Binokýliarly optikanyń kómegimen 7 saǵatqa sozylǵan ota barysynda uzyndyǵy 20 sm bolatyn qaterli isik terimen qosa alyndy.
Odan bólek qosarlasa ósip ketkendikten moiynnyń magistraldy tamyrlary, bulshyqetteri alynyp tastaldy.
Odan keiin dárigerler anatomiialyq aqaýlardy qalpyna keltirý úshin plastikalyq operatsiia jasaýǵa májbúr boldy.
«Patsienttiń kókirek tusynan teri-bulshyqet kesilip alynyp moinynyń úńireiip qalǵan tusyna jamaldy. Ota sátti jasaldy. Qazir patsienttiń jaǵdaiy jaqsy. Shyǵýǵa daiyndalyp jatyr», - dedi onkolog Sattar Appazov.
Dárigerler júike talshyqtaryn isikten ajyrata aldy, sonyń arqasynda naýqas tamaqty ózdiginen jei alatyn boldy. Muny otandyq dárigerlerdiń sheberligi desek artyq bolmas.
Almaty qalalyq onkologiialyq ortalyǵynyń bas dárigeri Nursultan Izmaǵambetovtyń aitýynsha, ortalyqta jylyna 3 myń ota jasalady.
