Qazaqstan ulttyq quramasynyń boksshylary oqý-jattyǵý jiynyn ótkizý maqsatynda AQSh-qa attandy, dep habarlaidy "Ult aqparat".
Qazaqstan boks federatsiiasynan málim etkendei, bylǵary qolǵap sheberlerine bapker Marat Jakiev jetekshilik jasaidy. Oqý-jattyǵý jiynynda jalpy daiyndyq barysyna nazar aýdarylady. Daiyndyq 30 qańtarǵa deiin sozylady.
Jiynǵa qatysýǵa ulttyq qurama kapitany Qamshybek Qońqabaev, Vasilii Levit, Bekzat Nurdáýletov, Zakir Safiýllin syndy boksshylar shaqyrtý alǵan.
Esterińizge sala ketelik, qazaqstandyq boksshylar Tokio Olimpiadasyna toǵyz salmaqta joldama jeńip aldy. Olimpiada 23 shilde men 8 tamyz aralyǵynda ótedi dep josparlanýda.
