Foto: Qorǵanys ministrliginiń baspasóz qyzmeti
Qorǵanys ministriniń orynbasary Shaih-Hasan Jazyqbaev qazaqstandyq bitimgerler Siriiada qandai operatsiialarǵa qatysqanyn aitty, dep habarlaidy Ult.kz Sputnik Qazaqstanǵa silteme jasap.
Byltyr naýryz aiynda qazaqstandyq bitimgerler Golan jotasyna attanǵan bolatyn. Al jyl sońynda Bashar Asadtyń biligi qulaǵannan keiin Izrail Golan jotasyndaǵy býferlik aimaqty basyp aldy.
Qorǵanys ministriniń orynbasary Shaih-Hasan Jazyqbaevtyń aitýynsha, ol kezde qazaqstandyq bitimgerler shieleniske aralasqan joq.
"Ótken jyldyń sońynda bolǵan shielenis kezinde bizdiń bitimgershilik rota shielenisti toqtatýǵa qatysqan joq. Memorandýmnyń sheńberinde tek bitimgerlik missiia boiynsha azamattyq personaldy Damask qalasynan evakýatsiialaýmen ainalysty jáne basqa da memleketterdiń bitimgerlerin bazaǵa evakýatsiialady",-dedi Jazyqbaev májilistiń búgingi otyrysynda.
Onyń sózine qaraǵanda, bitimgerler jaraqat alsa, ótemaqy tólenedi. Onyń mólsheri – 6-30 jalaqy. Al qaza tapqan jaǵdaida 60 jalaqy kóleminde ótemaqy qarastyrylǵan.
