فوتو: قورعانىس مينيسترلٸگٸنٸڭ باسپاسٶز قىزمەتٸ
قورعانىس مينيسترٸنٸڭ ورىنباسارى شايح-حاسان جازىقباەۆ قازاقستاندىق بٸتٸمگەرلەر سيرييادا قانداي وپەراتسييالارعا قاتىسقانىن ايتتى, دەپ حابارلايدى Ult.kz Sputnik قازاقستانعا سٸلتەمە جاساپ.
بىلتىر ناۋرىز ايىندا قازاقستاندىق بٸتٸمگەرلەر گولان جوتاسىنا اتتانعان بولاتىن. ال جىل سوڭىندا باشار اسادتىڭ بيلٸگٸ قۇلاعاننان كەيٸن يزرايل گولان جوتاسىنداعى بۋفەرلٸك ايماقتى باسىپ الدى.
قورعانىس مينيسترٸنٸڭ ورىنباسارى شايح-حاسان جازىقباەۆتىڭ ايتۋىنشا, ول كەزدە قازاقستاندىق بٸتٸمگەرلەر شيەلەنٸسكە ارالاسقان جوق.
"ٶتكەن جىلدىڭ سوڭىندا بولعان شيەلەنٸس كەزٸندە بٸزدٸڭ بٸتٸمگەرشٸلٸك روتا شيەلەنٸستٸ توقتاتۋعا قاتىسقان جوق. مەموراندۋمنىڭ شەڭبەرٸندە تەك بٸتٸمگەرلٸك ميسسييا بويىنشا ازاماتتىق پەرسونالدى داماسك قالاسىنان ەۆاكۋاتسييالاۋمەن اينالىستى جەنە باسقا دا مەملەكەتتەردٸڭ بٸتٸمگەرلەرٸن بازاعا ەۆاكۋاتسييالادى",-دەدٸ جازىقباەۆ مەجٸلٸستٸڭ بٷگٸنگٸ وتىرىسىندا.
ونىڭ سٶزٸنە قاراعاندا, بٸتٸمگەرلەر جاراقات السا, ٶتەماقى تٶلەنەدٸ. ونىڭ مٶلشەرٸ – 6-30 جالاقى. ال قازا تاپقان جاعدايدا 60 جالاقى كٶلەمٸندە ٶتەماقى قاراستىرىلعان.
