Qazaqstandyq bitimgerlerdi BUU-nyń Afrikadaǵy operatsiialaryna daiyndaý máselesi qaraldy, dep habarlaidy QazAqparat.
Qorǵanys ministrligi men Halyqaralyq Qyzyl krest komiteti arasynda onlain túrde shtabtyq kelissóz júrgizildi.
Taraptar BUU-nyń Afrikadaǵy missiialaryna qatysý maqsatynda Qazaqstan Qarýly Kúshteriniń bitimgershilik kontingentin daiyndaýdyń ózekti máseleleri jóninde pikir almasty.
Halyqaralyq Qyzyl Krest komitetiniń sarapshylary Ortalyq Afrika Respýblikasy, Kongo jáne Malidegi qazirgi gýmanitarlyq jaǵdaiǵa qatysty tájiribe jáne derekterdi bólisti.
Qazaqstan Qarýly Kúshteriniń bitimgershilik kontingentin daiarlaý sheńberinde qorǵanys vedomstvosymen yntymaqtastyq joǵary baǵalandy.
Bul rette Bitimgershilik daiyndyq ortalyǵy jáne QR Tuńǵysh Prezidenti – Elbasy atyndaǵy Ulttyq qorǵanys ýniversitetimen ózara is-qimyldy atap ótýge bolady.
Halyqaralyq Qyzyl Krest komiteti el áskeri úshin mamandar daiarlaýǵa, Qazaqstan aýmaǵyndaǵy oqý-jattyǵýǵa qatysý úshin ókilder jiberýge, sondai-aq nusqaýshylar quramyn almastyrýǵa qoldaý kórsetýge ázir ekenin rastady.
Esterińizge sala ketsek, Shveitsariiaǵa jasaǵan resmi sapary aiasynda Memleket basshysy Qasym-Jomart Toqaev Halyqaralyq Qyzyl Krest Komitetiniń Prezidenti Peter Maýermen kezdesip, onda el áskeri qyzmetshileriniń BUU bitimgershilik operatsiialaryna qatysý aýqymyn keńeitý jónindegi josparlary týraly málimdegen bolatyn.
Áskeri kontingent jiberetin el retinde Qazaqstannyń róli erekshe ataldy.
Buǵan deiin el Prezidenti Qazaqstannyń beibitshilik, halyqaralyq qaýipsizdik jáne turaqtylyq qaǵidattaryna beiildiligin Qarýly Kúshterdiń bitimgershilik qyzmeti is júzinde kórsetedi dep atap ótken bolatyn.
