Atyraý munai óńdeý zaýytynda shyǵarylatyn benzin Eýroodaqstandarttymen sertifikattaldy, dep habarlaidy "Ult aqparat".
«AMÓZ» JShS qoǵammen bailanys qyzmetiniń málimetinshe, qazaqstandyq ónim REACH sertifikatyn ielenip, Eýroodaq naryǵyna importtaýǵa arnalǵan himiialyq zattar men olardyń qospalarynyń sapa deńgeiin baǵalaýdyń tolyq rásiminen ótken.
«REACH reglamentine sáikes, Eýroodaqta jylyna 1 tonnadan astam mólsherde óndiriletin nemese importtalatyn kez kelgen himiialyq zat tirkeýge jatady. REACH sertifikaty – eýroaimaq elderi úshin tirkelgen benzin importtaýshysy bolyp tabylatyn qazaqstandyq kásiporynnyń eksporttyq múmkindigin damytýdaǵy mańyzdy qadam.
Byltyrǵy sáýirde AMÓZ óndirisindegi hosh iisti kómirsýtekteri – benzol jáne paraksilol REACH sertifikattaýynan ótti. Al, benzin Eýropalyq sapa standarttaryna sáikestigi rastalǵan kásiporynnyń úshinshi ónimi bolyp otyr», - dep habarlady kásiporynnyń qoǵammen bailanys qyzmetinen.
REACH sertifikaty Atyraýda shyǵarylǵan janarmaiǵa Eýroodaq elderiniń naryǵyna jol ashady. Óitkeni, qujat Eýroaimaq aýmaǵynda moiyndalǵan.
