Qazaqstandaǵy ekinshi deńgeili bankter jer-jerdegi bólimshelerin qysqartyp jatyr. Bul týraly Ranking.kz saity habarlady.
Jyl basynan beri eldegi ekinshi deńgeili bankterdiń bólimsheleri 5,2 paiyzǵa qysqaryp, bankomattar jelisi 11,5 paiyzǵa keńeigen. Maýsym aiynyń sońyna qarai Qazaqstan aýmaǵynda 11 myń bankomat qondyrǵysy tirkelgen.
«Olardyń ishinde cash-in fýnktsiiasy bar bankomattar sany - 3,6 myń. Bul 2018 jylmen salystyrǵanda, 72,1 paiyzǵa nemese 1,5 myń danaǵa artyq. Qolma-qol aqsha qabyldaý fýnktsiiasy joq bankomattar sany bir jylda 5 paiyzǵa nemese 384 qurylǵyǵa qysqardy. Nátijesinde keńeitilgen fýnktsionaly bar bankomattardyń úlesi 21,3 paiyzdan 33 paiyzǵa ósti», - delingen saittyń málimetinde.
Osy tendentsiianyń áserinen maýsym aiynyń sońyna qarai ekinshi deńgeili bankterdiń 133 bólimshesi jabylyp, 1926 bólimshe qalǵan bolatyn. Tamyz aiynda olardyń sany taǵy 0,6 paiyzǵa qysqaryp, 1915 ǵimarat qaldy. Sonda byltyrǵy tamyz aiynan beri 105 bólimshe jabylǵan. Onyń 57-si jumysyn toqtatqan Qazaq Banki, «Astana» jáne «Eksimbank» uiymdaryna tiesili.
Bólimsheleriniń sanyn qysqartqan bankterdiń kóshin Kaspi Bank bastap tur. Bul bank birden 18 bólimshesin taratqan. Qazir onyń 201 bólimshesi jumys istep tur. Esesine qarjy uiymy bankomat jelisin keńeitýge kúsh salyp jatyr. Qazir Kaspi Bank bankomat sany boiynsha «Halyq bankten» keiin ekinshi orynda tur. Jýsan Bank te 17 bólimshesin qysqartypty. Ázirge 138 bólimshesi 17 óńirde jumys isteýde. ATF Bank 13 filialyn qysqartqan. «Halyq banktiń» QazKom-dy quramyna qosqanyn eskersek, onyń quramynda áli de bosa 656 bólimshe jumys istep turǵanyn túsinýge bolady.
