قازاقستانداعى ەكٸنشٸ دەڭگەيلٸ بانكتەر جەر-جەردەگٸ بٶلٸمشەلەرٸن قىسقارتىپ جاتىر. بۇل تۋرالى Ranking.kz سايتى حابارلادى.
جىل باسىنان بەرٸ ەلدەگٸ ەكٸنشٸ دەڭگەيلٸ بانكتەردٸڭ بٶلٸمشەلەرٸ 5,2 پايىزعا قىسقارىپ, بانكوماتتار جەلٸسٸ 11,5 پايىزعا كەڭەيگەن. ماۋسىم ايىنىڭ سوڭىنا قاراي قازاقستان اۋماعىندا 11 مىڭ بانكومات قوندىرعىسى تٸركەلگەن.
«ولاردىڭ ٸشٸندە cash-in فۋنكتسيياسى بار بانكوماتتار سانى - 3,6 مىڭ. بۇل 2018 جىلمەن سالىستىرعاندا, 72,1 پايىزعا نەمەسە 1,5 مىڭ داناعا ارتىق. قولما-قول اقشا قابىلداۋ فۋنكتسيياسى جوق بانكوماتتار سانى بٸر جىلدا 5 پايىزعا نەمەسە 384 قۇرىلعىعا قىسقاردى. نەتيجەسٸندە كەڭەيتٸلگەن فۋنكتسيونالى بار بانكوماتتاردىڭ ٷلەسٸ 21,3 پايىزدان 33 پايىزعا ٶستٸ», - دەلٸنگەن سايتتىڭ مەلٸمەتٸندە.
وسى تەندەنتسييانىڭ ەسەرٸنەن ماۋسىم ايىنىڭ سوڭىنا قاراي ەكٸنشٸ دەڭگەيلٸ بانكتەردٸڭ 133 بٶلٸمشەسٸ جابىلىپ, 1926 بٶلٸمشە قالعان بولاتىن. تامىز ايىندا ولاردىڭ سانى تاعى 0,6 پايىزعا قىسقارىپ, 1915 عيمارات قالدى. سوندا بىلتىرعى تامىز ايىنان بەرٸ 105 بٶلٸمشە جابىلعان. ونىڭ 57-سٸ جۇمىسىن توقتاتقان Qazaq Banki, «استانا» جەنە «ەكسيمبانك» ۇيىمدارىنا تيەسٸلٸ.
بٶلٸمشەلەرٸنٸڭ سانىن قىسقارتقان بانكتەردٸڭ كٶشٸن Kaspi Bank باستاپ تۇر. بۇل بانك بٸردەن 18 بٶلٸمشەسٸن تاراتقان. قازٸر ونىڭ 201 بٶلٸمشەسٸ جۇمىس ٸستەپ تۇر. ەسەسٸنە قارجى ۇيىمى بانكومات جەلٸسٸن كەڭەيتۋگە كٷش سالىپ جاتىر. قازٸر Kaspi Bank بانكومات سانى بويىنشا «حالىق بانكتەن» كەيٸن ەكٸنشٸ ورىندا تۇر. Jýsan Bank تە 17 بٶلٸمشەسٸن قىسقارتىپتى. ەزٸرگە 138 بٶلٸمشەسٸ 17 ٶڭٸردە جۇمىس ٸستەۋدە. اتف بانك 13 فيليالىن قىسقارتقان. «حالىق بانكتٸڭ» QazKom-دى قۇرامىنا قوسقانىن ەسكەرسەك, ونىڭ قۇرامىندا ەلٸ دە بوسا 656 بٶلٸمشە جۇمىس ٸستەپ تۇرعانىن تٷسٸنۋگە بولادى.
