Illiýstratsiialyq foto: elements.envato.com
Birqatar qazaqstandyq aqparattyq basylym ózderiniń veb-saittaryna kirýge qatysty máseleler týǵanyn málimdedi, - dep habarlaidy Tengrinews.kz agenttigi.
Birneshe aqparattyq agenttik pen olardyń paidalanýshylary jańalyqtar saittaryna kirý qiyndap, kei sait baiaý ashylsa, keibir sait ashylmai jatqanyn, saittaǵy aqparatqa qol jetkizý máselelerine tap bolǵanyn jariialady.
Toppress.kz saity DDOS shabýyldary týraly eskertti.
"Qurmetti oqyrmandar! Bizdiń mamandar saitqa kirýdi qalpyna keltirdi, biraq ol úzilispen jumys istep tur! DDOS-shabýyl shetelden jasalǵan sekildi. Saitqa kirýdegi tehnikalyq aqaýlar Qazaqstannan immigranttardyń úlken aǵyny týraly materialdar jariialanǵannan keiin bastaldy.
Biz sizderdi Qazaqstannyń jáne álemniń kún tártibinen habardar etip otyrýdy jalǵastyramyz!
Túsinistik tanytqandaryńyzǵa rahmet", - dep habarlaidy BAQ resmi Telegram-kanalynda.
Newtimes.kz redaktsiiasy bul máseleni zerttep jatqanyn jariialady.
"Qazirgi ýaqytta keibir resýrstar jumys isteidi, biraq úzilispen. Bir qosylsa, bir qosylmai, arasynda múldem toqtap qalyp jatyr", - delingen habarlamada.
Aqparat jáne áleýmettik damý ministrligi bul jaǵdaiǵa qatysty ázirge túsinikteme bergen joq.
