Reseidiń Orynbor oblysynda aýyr atletikadan ótken halyqaralyq ashyq kýbokta Qazaqstan quramasy ekinshi oryndy jeńip aldy, dep habarlaidy "Ult aqparat".
QR Aýyr atletika federatsiiasy habarlaǵandai, atalǵan halyqaralyq jarysqa Qazaqstannan Aqtóbe, Batys Qazaqstan men Qostanai oblysynan 3 komanda qatysty.
Nátijesinde, birikken Qazaqstan quramasy jarys ielerine bir upai ese jiberip, ekinshi oryndy jeńip aldy.
Jarysta 89 kg-ǵa deiingi salmaqta synǵa túsken qostanailyq Renat Baýdarbekov 402 upaidy baǵyndyryp, aiýsoliýtti chempion atandy. Al áielder arasynda «Jas Qýat» baǵdarlamasynyń stipendiaty Arailym Janet 64 kg salmaqta absoliýtti chempion atandy.
Qazaqstannyń birikken qurama komandasynyń jarys nátijeleri tómendegidei:
Aian Baizaqov (Qostanai) - 1 oryn (73 kg)
Erjan Jumaǵulov (BQO) - 1 oryn (81 kg)
Gleb Gavrilov (Aqtóbe) - 1 oryn (109 kg) - «Jas Qýat» baǵdarlamasynyń stipendiaty.
Serjan Hamidolla (BQO) - 3 oryn (55 kg)
Danagúl Ýrasheva (BQO) - 3 oryn (59 kg)
Nurjan Qojin (Aqtóbe) - 3 oryn (67 kg) - «Jas Qýat» baǵdarlamasynyń stipendiaty.
