Qazaqstandyq áýe kompaniialarǵa Irannyń áýe keńistigi arqyly ushýdan bas tartý usynyldy, – dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
«Qazaqstandyq áýe kompaniialar qalyptasqan jaǵdaiǵa bailanysty kórsetilgen ushýlardy tiisti elderdiń navigatsiialyq qyzmetteriniń kelisimi boiynsha Iran áýe keńistigine balamaly áýe joldary arqyly oryndaý máselesin pysyqtaýda» delingen habarlamada.
Eske sala ketsek, qazirgi ýaqytta Irannyń áýe keńistigi arqyly eki qazaqstandyq áýe tasymaldaýshy – «Eir Astana» jáne «SCAT» turaqty reisterdi oryndaidy. «Eir Astana» áýe kompaniiasy Iran áýe keńistigi arqyly Nur-Sultan – Dýbai (aptasyna 5 ret) jáne Almaty – Dýbai (aptasyna 10 ret) baǵyttary boiynsha ushýlardy oryndaidy. «SCAT» áýe kompaniiasy Iran áýe keńistigi arqyly Almatydan Medina men Jiddəǵa (aptasyna bir ret) eki turaqty reisti jáne Almaty - Sharm El-Sheih jáne Shymkent – Sharm El-Sheih baǵyttary boiynsha eki turaqty emes reisti oryndaidy. Sonymen qatar, BAÁ áýe kompaniialary «Fly Dubai» – (Dýbai – Nur-Cultan - aptasyna 5 reis, Dýbai – Almaty - aptasyna 7 reis), «Etihad» (Abý-Dabi – Nur-Sultan - aptasyna 2 reis) «Air Arabia» (Shardja – Almaty- aptasyna 5 reis) Irannyń áýe keńistigi arqyly Qazaqstanǵa turaqty ushýlardy (barlyǵy aptasyna 19 reis) oryndaidy. «Mahan Air» irandyq áýe kompaniiasy Tegeran – Almaty baǵyty boiynsha turaqty túrde ushady.
Aita keterligi, 8 qańtarda Tegeran ýaqytymen saǵat 6:00-de Imam Homeini atyndaǵy áýejaidan Tegeran-Kiev baǵytymen ushyp shyqqan «Ýkraina halyqaralyq áýe jelileri» áýe kompaniiasynyń Boeing-737 ushaǵy apatqa ushyrady. Onyń bortyndaǵy 167 jolaýshy men 9 ekipaj múshesi túgelge jýyq qaza tapty.
