Qazaqstandyq áskeri dárigerler zardap shekkenderge kómek kórsetý úshin Livanǵa attandy. Bul týraly QR Qorǵanys ministrliginiń baspasóz qyzmetinen málim boldy, dep habarlaidy "Ult aqparat".
QR Prezidenti Qasym-Jomart Toqaev Qorǵanys ministrine Livanǵa áskeri meditsina mamandaryn jiberý týraly máseleni sheshýdi tapsyrdy.
«7 tamyzda QR Prezidenti – Joǵarǵy Bas Qolbasshynyń tapsyrmasyn oryndaý maqsatynda QR Qarýly Kúshteriniń jeke quramynyń arasynan quralǵan 29 meditsina mamany men 4 aýdarmashy bar top Nur-Sultan-Aqtaý baǵyty boiynsha ushty. 8 tamyz kúni tańerteń Beirýt portynda jarylys saldarynan zardap shekkenderge meditsinalyq kómek kórsetý úshin QR QK Áýe qorǵanys kúshteri áskeri-transporttyq aviatsiia ushaǵy Aqtaý - Beirýt baǵyty boiynsha ushty», - delingen vedomstvo habarlamasynda.
Qazaqstan Respýblikasyndaǵy Covid-19-ben bailanysty jaǵdaidy eskere otyryp, top quramyna infektsionist jáne terapevt dárigerler qosylmady.
«Top quramyna joǵary bilikti hirýrgter, travmatologtar, neirohirýrgter, anesteziolog-reanimatologtar, sondai-aq hirýrgiialyq beiindegi orta meditsinalyq personaldar bar. Olardyń kópshiligi aǵylshyn tilin jetik meńgergen. Áskeri meditsina qyzmetkerleriniń maqsaty - zardap shekkenderge bilikti meditsinalyq kómek kórsetý», - dep atap ótilgen ministrlik málimetinde.
