Kesheden beri qazaqstandyq ánshiler Elbasy Nursultan Nazarbaevqa izgi tilekterin joldap, saýyǵyp ketýin tilep jatyr, dep habarlaidy QazAqparat.
Osy oraida Qazaqstannyń halyq ártisi Bibigúl Tólegenova videojoldaýynda Tuńǵysh Prezidentke aýrýdy jeńip shyǵýdy tiledi.
«Qurmetti Nursultan Ábishuly! Sizdiń koronavirýs juqtyrǵanyńyzdy estigennen keiin ýaiymdap otyrmyz. Siz osylai ashyq júrgenińizde «nege oshaýlanbaidy, nege bir top adammen otyrady?» dep oilaýshy edim. Sizge tileitinim: osy aýrýdy jeńip shyǵyńyz. Nureke, tez jazylyńyz. Denińiz saý, ómirińiz uzaq bolsyn! Mundai aýrý eshkimge jaqyn kelmesin!» - dep tilegin bildirdi qazaqtyń bulbul ánshisi.
Ánshi Álisher Karimov te Elbasynyń koronavirýstan tezirek jazylyp ketýine tilekshi ekendigin jetkizdi.
«Qurmetti Nursultan Ábishuly! Sizdi óte jaqsy kóremiz. Tezirek saýyǵyp, uzaq ǵumyr súrýińizge tilekshimin», - dep jazdy ánshi Instagram paraqshasynda.
Sonymen qatar ánshi Kental da osynaý virýspen kúresip jatqan barlyǵynyń tezirek saýyǵyp ketýin tiledi.
«Aýrý seniń áleýmettik mártebeńe, qoǵamdaǵy ornyń men tanymaldyǵyńa qaramaidy. Osynaý zulym virýs aldynda barlyǵymyz da birdeimiz. Elbasynyń jáne osynaý virýspen kúres jatqan barlyǵynyń tezirek saýyǵyp ketýine tileimin. Alla shipasyn bersin! Tez jazylyp ketińizder, Aman bol, halqym!», - dep jazdy ánshi Instagram paraqshasynda.
Munymen qosa ánshi ári prodiýser Rano Ýmarova da Tuńǵysh Prezidenttiń, sondai-aq osy indetti juqtyrǵan barsha qazaqstandyqtardyń tez saýyǵýyna tilek bildirdi.
«Shyn júrekten Tuńǵysh Prezident Nursultan Ábishulynyń tez saýyǵýyn tileimin. Elbasy qaisar ári myqty adam dep bilemin jáne mindetti túrde indetti jeńetinine senemin. Osy oraida zor densaýlyq pen uzaq ómir tileimin!», - dedi R. Ýmarova.
Aita keteiik, Elbasynyń baspasóz hatshysy Aidos Úkibai Qazaqstannyń Tuńǵysh Prezidenti – Elbasy Nursultan Nazarbaevtyń Covid-19-ǵa tapsyrǵan synamasy oń nátije kórsetkenin habarlaǵan edi.
Soǵan qaramastan Nursultan Ábishuly ózin-ózi oqshaýlap, qashyqtan jumys isteýdi jalǵastyrýda.
.jpeg)