Foto: pexels.com
Aqtóbede óziniń aǵzasyn 9 million teńgege satpaq bolǵan azamat ustaldy, dep habarlaidy "Ult aqparat".
Óńirdiń prokýratýrasy adamnyń aǵzalaryn zańsyz satýǵa oqtalý áreketin anyqtaǵanyn jetkizdi.
"Aqtóbe oblysy prokýratýrasymen áleýmettik jelige monitoring júrgizý barysynda "E" esimdi azamattyń óziniń ishki aǵzalaryn satýy boiynsha yqtimal mámile jasaý týraly aqparat alyndy. 2024 jyldyń 25 qyrkúieginde prokýratýranyń bastamasymen jedel-izdestirý is-sharasy júrgizildi. Nátijesinde uiymdasqan qylmysqa qarsy kúres basqarmasynyń qyzmetkerleri óziniń ishki aǵzalaryn 9 million teńgege zańsyz mámile jasaý arqyly satpaq bolǵan "E" esimdi azamatty ustady", – delingen habarlamada.
Atalǵan fakti boiynsha qylmystyq kodekstiń 116-babynyń 1-bóligimen (Adamnyń aǵzalary men tinderin alyp qoiýǵa májbúrleý nemese zańsyz alyp qoiý) sotqa deiingi tergep-tekserý bastaldy. Ol 5 jylǵa deiin bas bostandyǵynan aiyrylýy múmkin.
