Qazaqstandyq agrarshylar egin egý jumystary úshin 700-den astam tehnika satyp aldy, dep habarlaidy "Ult aqparat" «QazAgroQarjy» AQ-nyń baspasóz qyzmetine silteme jasap.
Búgingi tańda «QazAgro» UBH» AQ qurylymyna enetin «QazAgroQarjy» aktsionerlik qoǵamyna kóktemgi-dala jumystaryn júrgizý úshin 15 mlrd teńgeden astam somaǵa aýyl sharýashylyǵy tehnikasyn jáne jabdyqtaryn satyp alýǵa 1269 ótinim tústi.
«Agrarshylarmen jalpy somasy 9,2 mlrd. teńgege 744 qarjy lizingi sharty jasalyp ta qoidy. Jasalǵan sharttardyń sheńberinde fermerler 463 traktor, 126 tuqym sepkish, 13 egis keshenin jáne 142 ózge de tehnikalardy satyp aldy», - delingen taratylǵan habarlamada.
Ótinimderdiń deni (172 ótinim) Astana qalasyndaǵy Ortalyq ofisqa kelip túsken, Soltústik Qazaqstan oblysyndaǵy filialǵa - 168, Shyǵys Qazaqstan oblysyndaǵy filialǵa - 157 jáne Almaty oblysyndaǵy filialǵa 142 ótinim joldanǵan.
Sonymen birge, otandyq agrarshylar egin jinaý naýqanyna daiyndyq sheńberinde «QazAgroQarjy» aktsionerlik qoǵamyna 13,8 mlrd. teńge somasyna kombaindar, shóp tieý mashinalaryn, destelegishter men basqa da tehnikalardy satyp alýǵa 637 ótinim joldady.
«QazAgroQarjy» AQ - 1999 jyly QR Úkimetiniń qaýlysymen qurylǵan kompaniia. Negizgi maqsaty - aýyl sharýashylyǵy taýar óndirýshileriniń qarjy qarajattaryna, sondai-aq lizing negizinde aýyl sharýashylyǵy tehnikasyna jáne tehnologiialyq jabdyqtarǵa degen qoljetimdilikti qamtamasyz etý arqyly respýblikanyń agrarlyq sektoryna qoldaý jasaý.
.jpeg)