Búgin Ortalyq kommýnikatsiialar qyzmetiniń alańynda «Habar» Agenttigi qasiretti qańtar oqiǵasy týraly «Tragicheskii ianvar. Kak eto bylo» atty derekti filmniń alǵashqy kórsetilimin ótkizdi, dep habarlaidy "Ult aqparat".
Kinokórsetilim bir minýt únsizdikpen bastaldy. Osylaisha, is-shara qatysýshylary táýelsiz Qazaqstan tarihyndaǵy qandy oqiǵa qurbandaryn eske aldy.
Sondai-aq, alǵashqy kórsetilim barysynda sarapshylar film týraly óz pikirlerin bólisti.
Aita keteiik, kinotýyndy 26 qańtar kúni saǵat 20:30-da «Habar» telearnasynan kórermenge jol tartady.
«Bul ózim úshin óte mańyzdy ári óte qajet film. Óitkeni týyndy aralyq nátijelerdi kórsetip berdi. Men Almatyda bolǵan oqiǵalardy óz kózimmen kórdim, qańtardyń 4-nen 5-ne qaraǵan túni alańda boldym. Filmniń oqiǵanyń «qalai bolǵanyn» emes, «nege bolǵanyn» ashatyn ekinshi bólimin kútemin. Meniń oiymsha, oqiǵalar jelisin halyqqa egjei-tegjeili baiandaǵan «Habar» Agenttigi qańtardyń basynda bizdiń elde bolǵan qaiǵyly oqiǵanyń shynaiy tarihyn kórýge múmkindik bere aldy», - dedi jýrnalist Denis Krivosheev.
«Film bizge resmi jańalyqtardyń negizdi ekenin ańǵartady. Oqiǵanyń shyn máninde qalai bolǵanyn kórsetedi. Týyndy Almaty jáne basqa qalalarda oryn alǵan jaǵdai týraly alǵashqy kúnderi alǵan aqparattyń rastyǵyn dáleldeidi», - dedi Qazaqstan Respýblikasy Prezidenti janyndaǵy Qazaqstan strategiialyq zertteýler institýtynyń bas sarapshysy Nikita Shatalov.
Týyndy oqiǵanyń bastalýy, sharyqtaý shegi men aiaqtalýy týraly baiandaityn derekti kadrlardyń úzindilerinen turady. Jańa jyldan keiin elimizde oryn alǵan jaǵdaidy sýretteitin derekti filminiń siýjettik jelisi oqiǵalardyń tolyq hronologiiasyna negizdelgen. Film qańtar oqiǵasynyń bir tizbek arqyly bailanysqan, bir ortalyqtan úilestirilgen terroristerdiń áreketi ekenin ańǵartady.
