1 maýsymyndaǵy jaǵdai boiynsha Biryńǵai jinaqtaýshy zeinetaqy qory salymshylarynyń shottarynda 12,7 trillion teńge zeinetaqy jinaǵy qalyptasty. Bul týraly Qordyń baspasóz qyzmeti habarlady.
01.06.2020 jyldan bastap 01.06.2021 jylǵa deiin zeinetaqy jinaqtarynyń somasy 1 trillionnan asa teńgege nemese 9% ósti.
Zeinetaqy jinaqtarynyń negizgi somasy mindetti zeinetaqy jarnalary (MZJ) esebinen jinaqtaldy, onyń mólsheri 12,4 trln teńge (sońǵy 12 ai ishindegi ósim – 9%). Mindetti kásiptik zeinetaqy jarnalary (MKZJ) boiynsha zeinetaqy jinaqtarynyń somasy 326,1 mlrd teńge (ósim 18%), al erikti zeinetaqy jarnalary (EZJ) boiynsha zeinetaqy jinaqtarynyń somasy 2,2 mlrd teńgege (ósim 4%) jetti.
2021 jyldyń bes aiynda BJZQ salymshylary ótken jyldyń sáikes kezeńimen salystyrǵanda kóbirek qarajat salǵan. 2021 jylǵy 1 maýsymdaǵy jaǵdai boiynsha salymshylardyń shottaryna jalpy kólemi shamamen 665,6 mlrd teńge zeinetaqy jarnalary aýdarylǵan, bul 2020 jyldyń sáikes kezeńindegi kórsetkishten 236,7 mlrd teńgege nemese 55%-ǵa asyp tústi. Jarnalardyń jalpy kóleminiń 95,5%-yn BJZQ-ǵa MZJ boiynsha túsimder quraidy, olardyń somasy – 491,5 mlrd teńge (sońǵy 12 ai ishindegi ósim 20%), MKZJ boiynsha 22,9 mlrd teńge (ósim 14%) tústi, EZJ boiynsha 241 mln teńge (ósim 80%) aýdaryldy.
Zeinetaqy jinaqtarynyń aitarlyqtai ósýi, salymshylardyń salymynan bólek, 2021 jylǵy 1 qańtar men 1 maýsym aralyǵynda 654,2 mlrd teńgeni quraǵan taza investitsiialyq tabystyń arqasynda oryn aldy. Ol ótken jyldyń sáikes kezeńindegi kórsetkishten 31% nemese 155 mlrd teńgege artyq.
Qazaqstan Respýblikasy Ulttyq bankiniń basqarýyndaǵy BJZQ zeinetaqy aktivteri boiynsha kiristilik jyl basynan bastap 1 maýsymǵa 5,3% bolsa, infliatsiia 3,5% qurady. Sońǵy 12 aidaǵy kiristilik 11,7%, osy kezeńdegi infliatsiia 7,2% boldy.
2021 jylǵy 1 maýsymdaǵy jaǵdai boiynsha BJZQ-daǵy jeke zeinetaqy shottarynyń sany 11,6 mln birlikti qurady. Shottardyń eń kóp sany mindetti zeinetaqy jarnalary (MZJ) boiynsha ashyldy, olardyń sany – 10 900 756. Odan ári MKZJ esebinen qalyptasqan shottar – 523 624, BJZQ-daǵy EZJ esebinen qalyptasqan shottar sany qazir 45 143 birlikke teń.
Jyl basynan beri BJZQ salymshylaryna 1,5 trln teńgeden astam tólem jasaldy. Tólemderdiń 1,4 trln teńge kólemindegi basym bóligin birjolǵy zeinetaqy tólemderi (BZT) qurady. Jas mólsheri boiynsha tólemder ekinshi orynda – 37,4 mlrd teńge. Odan ári saqtandyrý uiymdaryna aýdarymdar shamamen 33,8 mlrd teńgeni, muragerlik boiynsha tólemder 26,3 mlrd teńgeni, QR sheginen tys TTJ ketýge bailanysty tólemder 13,4 mlrd teńgeni, jerleýge berilgen tólemder 2,1 mlrd teńgeni jáne múgedektik boiynsha tólemder 0,9 mlrd teńge boldy.
Keste boiynsha ai saiynǵy ortasha tólem somasy (zeinet jasyna tolýyna bailanysty) 28 780 teńgeni, al ai saiynǵy tólemniń eń joǵary somasy 522 610 teńgeni qurady. Bul rette, aǵymdaǵy jyly salymshyǵa keste boiynsha berilgen MZJ, MKZJ jáne EZJ-nyń jiyntyq tólemi 558 954,53 teńge boldy.
