Qazaqstanda memlekettik qyzmetshiler men biýdjettik sala qyzmetkerleri úshin ipotekalyq kreditter boiynsha bastapqy jarnany alyp tastaǵysy keledi. Mundai usynysty Qazaqstannyń 2015-2025 jyldarǵa arnalǵan sybailas jemqorlyqqa qarsy strategiiasyn iske asyrý jónindegi 2021-2023 jyldarǵa arnalǵan is-sharalar josparyn ázirleýshiler engizdi. Qujat "Ashyq NQA" portalynda jariialandy, - dep habarlaidy «Ult aqparat».
Josparǵa sáikes, 2021 jyldyń úshinshi toqsanynda qazaqstandyq memlekettik qyzmetshiler men biýdjet qyzmetkerleri úshin bastapqy jarnalardy alyp tastaý máselesin pysyqtaý usynylady.
Usynystardyń pysyqtalýyna Ulttyq ekonomika jáne qarjy ministrligi, sondai-aq Qazaqstan Ulttyq Banki jaýap beredi. Másele qaralǵannan keiin aqparatty Prezident Ákimshiligine jiberý josparlanýda.
Turǵyn úi máselelerinen basqa, qujatta kelesi usynystar bar:
aýyr jáne asa aýyr sybailas jemqorlyq qylmystar jasaǵany úshin sottalǵan adamdardy merziminen buryn shartty túrde bosatýdyń kúshin joiý;
para berýshiler men paraqorlyqtaǵy deldaldardyń jaýapkershiligin kúsheitý;
memlekettik qyzmetshiler, depýtattar, sýdialar, olardyń otbasy músheleri úshin Qazaqstan Respýblikasynan tys jerde ornalasqan sheteldik bankterde shottar (salymdar) ashý jáne olardy ielený boiynsha jańa sybailas jemqorlyqqa qarsy shekteý engizý;
memlekettik organdar men uiymdardy ońtailandyrý, ákimshilik shyǵystardy qysqartý esebinen memlekettik qyzmetshilerdiń jalaqysyn arttyrý;
ekonomikaǵa memlekettiń qatysýyn azaitý, onyń ishinde memlekettik organdardyń vedomstvolyq baǵynysty uiymdarynyń, ulttyq kompaniialardyń sanyn qysqartý jáne taǵy basqalar.
#Jaldamaly baspana kimge beriledi
Sonymen qatar birinshi jeltoqsannan bastap altynshy jeltoqsanǵa deiin Qazaqstan astanasynda jumys isteitin jastar úshin satyp alý quqyǵynsyz jalǵa beriletin turǵyn úi alýǵa ótinimder qabyldaý júrgiziletin bolady.
Ótinish berý úshin ótinish berýshilerge elektrondyq tsifrlyq qoltańba qajet, óitkeni qabyldaý tek onlain-rejimde júrgiziledi. Barlyq anyqtamalar men qujattar jańa jáne ótinish bergen sátte alynýǵa tiis.
Ótinish berýshiler barlyq qujattar men anyqtamalardy skanerlengen túrde bir failda tirkeýi qajet. Ótinish bergennen keiin ótinish berýshiler onyń mártebesi týraly SMS-habarlama alady. Eger úmitker baǵdarlamanyń sharttaryna sáikes kelse jáne tolyq tizimdi usynsa, onda onyń ótinishi jumysqa qabyldanady.
Eger ótinish berýshi qujattardyń tolyq emes paketin tirkese nemese olar sapasyz bolsa, onda olar túzetý qajet ekenin aitady. Eger kandidat baǵdarlamanyń talaptaryna sáikes kelmese, oǵan bas tartý týraly habarlama keledi.
Irikteý baldyq júie boiynsha ótedi. Upailar otbasynyń, balalardyń, jeke kásipkerdiń, memlekettik qyzmette nemese biýdjettik uiymda jumys istegeni úshin esepteledi. Jeke jetistikter de eskeriledi – gramotalar, marapattar.
Osy baǵyt boiynsha jalǵa beriletin turǵyn úige sońǵy eki jylda menshik quqyǵynda turǵyn úii joq 29 jasqa deiingi Qazaqstan azamattary úmitker bola alady. Bul jaǵdaida erli-zaiyptylar men balalardyń da múlki bolmaýy kerek. Sońǵy eki jyl ishinde úzilissiz turaqty tirkeý qajet. Sondai-aq ótinish berýshilerdiń sońǵy alty ai ishinde 40 AEK nemese 111 120 teńge mólsherinde resmi tabysy bolýy tiis.
#Turǵyn úi alý úshin qujattar tizimi
Ótinish berýshi satyp alý quqyǵynsyz jalǵa beriletin turǵyn úi alý úshin ýákiletti organǵa mynadai qujattardy usynady:
nysan boiynsha ótinish;
ótinish berýshiniń jeke basyn kýálandyratyn qujattyń kóshirmesi (túpnusqa jeke basyn sáikestendirý úshin usynylady);
bilimi týraly qujattyń kóshirmesi;
neke qiiý týraly kýáliktiń kóshirmesi (bar bolsa);
balalardyń týýy týraly kýálikteriniń (a) kóshirmesi (bar bolsa);
ótinish berýshige jáne otbasynyń barlyq múshelerine jyljymaityn múliktiń bolmaýy (bolýy) týraly anyqtama;
jumys ornynan anyqtama;
ótinish berýshiniń ai saiynǵy tabysyn keminde 40 (qyryq) ailyq eseptik kórsetkish mólsherinde rastaityn sońǵy alty aidaǵy tabysy týraly anyqtama;
Qazaqstan Eńbek kodeksiniń 35-babyna sáikes eńbek ótilin rastaityn qujattar;
banktik shottyń bar ekendigi jáne nómiri týraly anyqtama jáne banktik shot boiynsha aqsha qaldyǵy jáne qozǵalysy týraly úzindi kóshirme;
ótinish berýshiniń ártúrli qyzmet salalaryndaǵy jeke jetistikterin rastaityn qujattar (bar bolsa).
Aita keteiik, 2018-2019 jyldary turǵyn úidi paidalanýǵa berý qarqyny aitarlyqtai joǵary boldy. Bul 25 myń otbasynyń, onyń ishinde 5,5 myń kóp balaly az qamtylǵan otbasy men 3 myń jumys isteitin jastardyń turǵyn úi máselelerin sheshýge múmkindik berdi. Elbasy Nursultan Nazarbaevtyń "Baqytty otbasy" jáne "7-20-25" baǵdarlamalary boiynsha 20 myńǵa jýyq qazaqstandyq otbasy qaryz aldy.
Kezekte turǵandardyń máselesin sheshý úshin Prezident "5-10-20" nesielik turǵyn úimen qamtamasyz etý jónindegi jańa jobany iske qosýdy tapsyrdy. Bul maqsatqa daǵdarysqa qarsy qarajat aiasynda 390 mlrd teńge baǵyttalady. Sonymen qatar memleket basshysy institýtsionaldyq qurylymdy jańǵyrtý qajettigin atap ótti. Osylaisha, jyl sońyna deiin "Qazaqstannyń turǵyn úi qurylys jinaq banki" AQ negizinde tolyqqandy damý jáne qoldaý institýty — "Otbasy bank" qurylýy tiis, ol turǵyn úidi esepke alýdy, qoiýdy jáne bólýdi ortalyqtandyryp júzege asyratyn bolady.
Esterińizge sala keteiik, Qazaqstanda memlekettik qyzmetshiler men biýdjettik sala qyzmetkerleri úshin ipotekalyq kreditter boiynsha bastapqy jarnany alyp tastaǵysy keledi. Mundai usynysty Qazaqstannyń 2015-2025 jyldarǵa arnalǵan sybailas jemqorlyqqa qarsy strategiiasyn iske asyrý jónindegi 2021-2023 jyldarǵa arnalǵan is-sharalar josparyn ázirleýshiler engizdi. Qujat "Ashyq NQA" portalynda jariialandy.
