Elimize turǵyn úi baǵasynyń ósýin tejeýge qatysty birqatar keshendi sharalar qabyldandy, dep habarlaidy QazAqparat.
«Memleket basshysy Qasym-Jomart Toqaevtyń 10 shildedegi Úkimettiń keńeitilgen otyrysynda bergen tapsyrmalaryn iske asyrý maqsatynda, bizdiń ministrlik qurylys materialdary men turǵyn úi baǵasynyń ósýin tejeýge qatysty birqatar keshendi sharalar qabyldady. Atap aitqanda, elimizde qurylys materialdarynyń baǵasyn turaqtandyrý maqsatynda Úkimet «Atameken» ulttyq kásipkerler palatasymen birlesip sala boiynsha baǵa ósimine boljam jasaý, óndirýshiler men qurylysty salýshylardyń arasynda tikelei uzaqmerzimdi kelisimshart jasaý sharalary qolǵa alyndy», - dedi QR Indýstriia jáne infraqurylymdyq damý birinshi vitse-ministri Qaiyrbek Óskenbaev OKQ-de ótken baspasóz máslihatynda.
Sonymen qatar, vitse-ministr elimizde qandai qurylys materialdary baǵasynyń óskenin jáne onyń sebebin atap ótti.
«Shara qabyldamas buryn sońǵy 5 jyl ishinde Qazaqstanda qurylys materialdary men jyljymaityn múlik baǵasyna boljam jasaldy, iaǵni osy ýaqyt ishinde baǵa qanshalyqty ósti nemese ózgerdi degen maqsatta. Qurylys materialdarynyń ishinde ásirese tsement, armatýra, kirpish, gazdy beton baǵasy kenetten óskeni baiqaldy. Saldarynan turǵyn úidiń baǵasy da ósken, al keide kerisinshe tómendegeni baiqalady. Qurylys materialdary baǵasynyń ósýi biylda baiqalady. Jáne baǵa tek Qazaqstanda ǵana emes álem boiynsha ósip otyr. Oǵan sebep devalvatsiiamen qatar pandemiianyń saldarynan logistika boiynsha shyǵyndy shekteý», - deidi ol.
