TikTok qysqa beine rolikterin kórýge jáne jasaýǵa arnalǵan jetekshi platforma 2024 jylǵy eń jarqyn sátterdi jáne avtorlardy atap ótip, jyl qorytyndysyn jasady.
Kreativ arqyly milliondaǵan qoldanýshynyń súiispenshiligine bólengen, shaǵyn biznesten bastap mádeni trendterge deiin TikTok bir jylda áleýmettik-ekonomikalyq, sondai-aq mádeni tendentsiialardy damytýǵa óz úlesin qosty.
TikTok 2024 jyldy qorytyndylap, osy jyl ishinde platformada ózin aiqyn kórsete bilgen jáne kontent jasaýdaǵy biregei kózqarasynyń arqasynda erekshe kózge túsken kreatorlardyń esimderin jariialaidy.
Qoldanýshylar "Jyldyń serpini", "Jergilikti biznes", "TikTok-ta oqy", "Repittegi taǵamdar", "#Kitaptok: kitapqumarlar qaýymdastyǵy", "Ulttyq mádeniet", "Qazaqstan Boiynsha Gid", "Negizgi hitter" nominatsiialary boiynsha baq talasty.
Biylǵy jyly TikTok-taǵy eń tanymal on án búkil álemdegi platforma paidalanýshylaryn 200 millionnan astam kontent jasaýǵa shabyttandyrdy jáne jáne Spotify-da 8 milliardtan astam tyńdalym jinady.
Sonymen, biylǵy jyldyń hitteri:
1. "Gata Only" – FloyyMenor & Cris Mj
2. "Pedro" – Jaxomy, Agatino Romero & Raffaella Carrà
3. "Alibi" – Sevdaliza feat. Pabllo Vittar & Yseult
4. "MILLION DOLLAR BABY (VHS)" – Tommy Richman
5. "Tell Ur Girlfriend" – Lay Bankz
6. "La Diabla" – Xavi
7. "Nasty" – Tinashe
8. "BIRDS OF A FEATHER" – Billie Eilish
9. "Forever Young" – Alphaville
10. "Beautiful Things" – Benson Boone
TikTok 2024 jyly Qazaqstandaǵy paidalanýshylarǵa túrli taqyryptar usynyp, videolar túsirýge shabyttandyrdy:
Qysqa beinefilmder baiqaýyn ótkizdi
TikTok Qazaqstandaǵy avtorlaryna óz sheberlikterin kórsetip, úshinshi jyl qatarynan Kann kinofestivali aiasynda ótkizilip otyrǵan #TikTokShortFilm baiqaýyna qatysýǵa múmkindik berdi. Sonymen qatar, qazaqstandyqtar úshin Mádeniet jáne aqparat ministrliginiń qoldaýymen "Qazaqstandaǵy úzdik film" jáne "Qazaq tilindegi úzdik film" atty eki nominatsiiada ózderiniń qysqa filmderin usyna alatyn arnaiy jergilikti konkýrs qarastyryldy. Mýzykanyń adamdar ómirin sulýlyqqa toltyratyny jaily qysqa filmimen avtor @monaalemi, sondai-aq otbasy tarihy týraly áserli qysqametrajdy filmimen avtor @karlygash_telearnasy baiqaý jeńimpazdary atandy. Syilyq retinde olar Kannǵa saiahat jasap keldi.
Mádeni mura men dástúrlerdi nasihattady
Naýryz aiynda platformada ekinshi jyl qatarynan Qazaqstan Respýblikasy Mádeniet jáne aqparat ministrliginiń, Qazaqstan Respýblikasy Týrizm jáne sport ministrliginiń jáne "Kazakh Tourism" Ulttyq kompaniiasynyń qoldaýymen #Naýryz2024 merekelik onlain-festivali ótti. Qazaqstandyqtar merekege qalai daiyndalyp, Naýryz merekesin atap ótetini týraly 27 myńnan astam beine jáne fotokontent jasady: bul ótken jylmen salystyrǵanda eki ese kóp boldy.
Sondai-aq, TikTok 2024 jylǵy 8-13 qyrkúiek aralyǵynda Astanada ótken 5 Dúniejúzilik kóshpendiler oiyndarynyń resmi aqparattyq seriktesi boldy. Platforma Oiynǵa qatysýshylar men uiymdastyrýshylardyń beinelerimen is-sharaǵa arnalǵan arnaiy paraqsha ashty. Sonymen qatar, platformada jarystardan tikelei efirler júrgizildi jáne paidalanýshylar #WorldNomadGames2024 heshtegi boiynsha is-shara týraly beine túsirdi.
Qazaqstan boiynsha saiahattaýǵa shaqyrdy
Osy jyldyń tamyz aiynan qyrkúiek aiyna deiin #GidPoKazahstaný jobasynyń kezekti kezeńi ótti, ol platformany paidalanýshylar úshin aýqymdy shyǵarmashylyq jarysqa ainaldy. Joba barysynda Qazaqstan boiynsha saiahat týraly 24 myńnan astam beinerolik jasaldy.
Bilimdilikke shaqyrdy
Úshinshi jyl qatarynan TikTok Qazaqstan Respýblikasy Bilim jáne ǵylym jáne joǵary bilim ministrliginiń qoldaýymen #Qazaqstan muǵalimi baiqaýyn ótkizdi. Bul ulttyq jarysqa mektep muǵalimderi, orta jáne joǵary oqý oryndarynyń oqytýshylary qatysty.
Jergilikti startaptardy qoldady
TikTok Astana Hub-pen birlesip startaptar úshin keńeitilgen bilim berý baǵdarlamasy – TikTok StartUp Akademiiasyn iske asyrdy. Osy bastamanyń aiasynda Qazaqstan, Ázirbaijan, Ózbekstan jáne Qyrǵyzstan startaptarynyń ókilderi platformada tabysqa qalai jetýge bolatynyn jáne qoǵamdastyqtyń nazaryn óz ónimine aýdarý týraly úirendi. Jobaǵa 200-ge jýyq startap qatysty, Onyń 10 pitch-sessiia qorytyndysy boiynsha jeńimpaz atanyp, ortaq júlde qoryn ózara bólisti olar júldeni TikTok-ta jarnamalaý úshin jumsai alady.
Sýretter: uiymdastyrýshylardan
Anara Baýyrjanqyzy
