Qarjy naryǵyn retteý jáne damytý agenttigi jáne «SberBank» AQ EB AQSh Qarjy ministrliginiń Sheteldik aktivterdi baqylaý basqarmasy Office of Foreign Assets Control (OFAC) bas litsenziia shyǵarǵanyn málimdeidi. Oǵan sáikes bankpen jasalǵan mámilelerdi aiaqtaý merzimi taǵy úsh aiǵa, 13 sáýirden bastap 12 shildege deiin uzartylady, dep habarlaidy QazAqparat.
Bul kórsetilgen kezeń ishinde banktiń shtattyq rejimde jumys istei beretinin bildiredi.
Bank klientterine teńgemen jáne rýblmen júrgiziletin tólemder men aýdarym operatsiialary (salyqtar, baj salyqtary, áleýmettik aýdarymdar) qandai da bir shekteýlersiz qoljetimdi bolady.
«Buǵan deiin OFAC-tyń reseilik «SberBank» JAQ-qa jáne onyń enshiles uiymdaryna qatysty olardy SDN-ge (Specially Designated Nationals) qosýdy kózdeitin oqshaýlaý sanktsiialaryn engizetini týraly málimdegenin eske salamyz. Kórsetilgen qarjy uiymymen jáne onyń basqa da enshiles qurylymdarymen operatsiialar 2022 jylǵy 13 sáýirge deiin aiaqtalýǵa tiis. Tutastai alǵanda, Qazaqstan SberBanki qarjylyq ornyqtylyqty kórsetip otyr jáne salymdarǵa, kreditterge qyzmet kórsetýdi, sondai-aq aqsha qarajatyn qabyldaý jáne berýdi qosa alǵanda, klientter aldyndaǵy óz mindettemelerin ýaqtyly oryndap otyr», - delingen habarlamada.
Banktiń mindettemelerin óteý úshin ótimdiliktiń jetkilikti kólemin jinaqtaityn shamamen 1,6 trln teńge somadaǵy joǵary sapaly nesie portfeli bar.
Qazirgi tańda Qazaqstan SberBankinde 400 mlrd teńge mólsherinde kapitaldyń jetkilikti qory bar.
Osylaisha, banktiń qarjylyq ornyqtylyǵy negizgi uiymnyń qosymsha qoldaýymen birge klientterdiń tólemderi men aýdarymdaryna úzdiksiz qyzmet kórsetýge múmkindik beredi.
Bank depozitterge mindetti kepildik berý júiesiniń qatysýshysy bolyp tabylady, bul Qazaqstan zańnamasynda belgilengen limitter sheginde azamattar qarajatynyń saqtalýyn qamtamasyz etedi.
Óz tarapynan, QR Qarjy naryǵyn retteý jáne damytý agenttigi bank sektoryndaǵy ahýalǵa kúndelikti monitoringteýdi júzege asyrady jáne qajet bolǵan jaǵdaida, syrtqy ekonomikalyq táýekelderdiń qarjy naryǵynyń turaqtylyǵyna áserin álsiretý úshin qajetti sharalar qabyldaidy.
