Ortalyq sailaý komissiiasy aldaǵy kezekten tys prezident sailaýyna halyqaralyq uiymdar men shet memleketterdiń baiqaýshylaryn akkreditteý jumysyn aiaqtady.
Búgin akkreditteýdiń sońǵy kúninde Syrtqy ister ministrliginen TMD-nyń 11jáne EQYU/DIAQB missiiasynynyń 2 baiqaýshysyn akkreditteýge usynys túsken. Bul týraly Ortalyq sailaý komissiiasynyń múshesi Záýresh Baimoldina aitty.
"Sonymen qatar 7 memleketten 33 baiqaýshy usynylyp otyr. Olar: Ulybritaniia, Qytai, Úndistan, Palestina, Resei Federatsiiasy, AQSh, Grýziia. Olardyń ishinde Úndistan men Reseidiń ortalyq sailaý organdary ókilderiniń bar ekenin atap kórsetken jón. 46 baiqaýshynyń barlyǵy akkreditteýge shyǵaryldy. Shet memleketter halyqaralyq uiymdardyń baiqaýshylaryn akkreditteý 2019 jyldyń 12 sáýirinde bastaldy. Búgin sońǵy kún. Iaǵni, tirkeý jumystary aiaqtaldy", – deidi Záýresh Baimoldina.
Osylaisha, QR prezidentiniń sailaýyn baiqaý úshin 1013 akkreditteldi. Onyń ishinde 866 baiqaýshy 9 halyqaralyq uiymnan jáne 147 baiqaýshy shet memleketten.
"43 baiqaýshy shet memleketterdiń ortalyq sailaý organdarynan keledi. Sonymen qatar baiqaýshylardyń qatarynda 4 qurlyqtyń ókilderi bar ekenin aita ketken jón. Aldaǵy sailaýda Eýropa, Soltústik jáne Ońtústik Amerika men Aziia elderiniń baiqaýshylary qyzmet etetin bolady", - deidi OSK múshesi.
