ورتالىق سايلاۋ كوميسسيياسى الداعى كەزەكتەن تىس پرەزيدەنت سايلاۋىنا حالىقارالىق ۇيىمدار مەن شەت مەملەكەتتەردٸڭ بايقاۋشىلارىن اككرەديتتەۋ جۇمىسىن اياقتادى.
بٷگٸن اككرەديتتەۋدٸڭ سوڭعى كٷنٸندە سىرتقى ٸستەر مينيسترلٸگٸنەن تمد-نىڭ 11جەنە ەقىۇ/دياقب ميسسيياسىنىنىڭ 2 بايقاۋشىسىن اككرەديتتەۋگە ۇسىنىس تٷسكەن. بۇل تۋرالى ورتالىق سايلاۋ كوميسسيياسىنىڭ مٷشەسٸ زەۋرەش بايمولدينا ايتتى.
"سونىمەن قاتار 7 مەملەكەتتەن 33 بايقاۋشى ۇسىنىلىپ وتىر. ولار: ۇلىبريتانييا, قىتاي, ٷندٸستان, پالەستينا, رەسەي فەدەراتسيياسى, اقش, گرۋزييا. ولاردىڭ ٸشٸندە ٷندٸستان مەن رەسەيدٸڭ ورتالىق سايلاۋ ورگاندارى ٶكٸلدەرٸنٸڭ بار ەكەنٸن اتاپ كٶرسەتكەن جٶن. 46 بايقاۋشىنىڭ بارلىعى اككرەديتتەۋگە شىعارىلدى. شەت مەملەكەتتەر حالىقارالىق ۇيىمداردىڭ بايقاۋشىلارىن اككرەديتتەۋ 2019 جىلدىڭ 12 سەۋٸرٸندە باستالدى. بٷگٸن سوڭعى كٷن. ياعني, تٸركەۋ جۇمىستارى اياقتالدى", – دەيدٸ زەۋرەش بايمولدينا.
وسىلايشا, قر پرەزيدەنتٸنٸڭ سايلاۋىن بايقاۋ ٷشٸن 1013 اككرەديتتەلدٸ. ونىڭ ٸشٸندە 866 بايقاۋشى 9 حالىقارالىق ۇيىمنان جەنە 147 بايقاۋشى شەت مەملەكەتتەن.
"43 بايقاۋشى شەت مەملەكەتتەردٸڭ ورتالىق سايلاۋ ورگاندارىنان كەلەدٸ. سونىمەن قاتار بايقاۋشىلاردىڭ قاتارىندا 4 قۇرلىقتىڭ ٶكٸلدەرٸ بار ەكەنٸن ايتا كەتكەن جٶن. الداعى سايلاۋدا ەۋروپا, سولتٷستٸك جەنە وڭتٷستٸك امەريكا مەن ازييا ەلدەرٸنٸڭ بايقاۋشىلارى قىزمەت ەتەتٸن بولادى", - دەيدٸ وسك مٷشەسٸ.
