Qazaqstanda demokratiialyq protsester men qundylyqtar joǵary deńgeide. Bul - Ýkraina Joǵary Rada depýtaty, «Slýga Naroda» fraktsiiasynyń múshesi, «Ýkraina – Qazaqstan» parlamentaralyq yntymaqtastyq tobynyń jetekshisi Evgenii Shevchenkonyń búgingi sailaýda baiqaýshy retindegi pikiri, dep habarlaidy QazAqparat.
«Qazaqstan halqynyń Ýkrainamen dostyq, yntymaqtastyq nieti jáne bizdi jyly qarsy alýy qýantady. Sailaý ýchaskelerindegi protseske qatysa otyryp aitarym, Qazaqstanda demokratiialyq protsester men qundylyqtardyń joǵary deńgeide ekenin kórip otyrmyz. Sailaý ýchaskeleri qoljetimdi jáne halyqaralyq baiqaýshylar qyzmetine eshqandai kedergi joq. Buny sailaýshylardyń sany men daýys berý biýlletenderinen baiqaýǵa bolady. Al bizde bul ýaqytta biýlletender sany azyraq bolady. Sondai-aq, azamattardyń asa belsendiligi baiqalady jáne aýa-raiy da qarasyp tur», - dedi E. Shevchenko elordada táýelsiz halyqaralyq baiqaýshylardyń qatysýymen ótken baspasóz máslihatynda.
Onyń aitýynsha, sailaý kezinde Qazaqstan halqy jaýapty ári tártipti saqtaidy.
«Sizderde jaýapkershilik, moral - barlyǵy da zań aiasynda júzege asyrylady. Osydan da bolar, Qazaqstan - kópultty memleket jáne adamdar bir-birimen jyly qarym-qatynasta. Múmkin bizdiń de sizderden úirenetinimiz kóp shyǵar», - dedi ol.
Ýkrainalyq depýtattyń sózine sensek, sailaýdyń demokratiialy túrde ótýi sailaý ýchaskeleriniń qoljetimdiligimen jáne halyqtyń aqparattandyrylýymen mańyzdy.
«Sailaý ýchaskelerindegi daýys berý protsesin tańerteńgi saǵat 10:00-den baqylaýdy bastadyq. Rasymen sailaýǵa adamdardyń kóptep kelip jatqany baiqaldy. Biz Qazaqstan halqynyń sana-seziminiń joǵary deńgeide ekenin bilemiz. Olar Parlament sailaýynyń mańyzyn túsinedi. Árine, áleýmettik araqashyqtyqty saqtaýǵa qatysty kishigirim tártip buzýshylyq boldy, degenmen barlyǵy da maska taǵyp júrdi. Eń bastysy - sailaýdy demokratiia talaptaryna sai ótip jatyr dep aitýǵa bolady», - dedi Ýkraina Joǵary Rada depýtaty, «Slýga Naroda» fraktsiiasynyń múshesi Sergei Litvinenko.
