Foto: gov.kz
Qazaqstanda halyqqa qyzmet kórsetý ortalyqtarynyń (HQKO) jumysy kezeń-kezeńimen jańǵyrtylady. Bolashaqta dástúrli «terezeler» sany qysqaryp, qyzmetterdiń basym bóligi onlain formatta kórsetiledi, dep habarlaidy Ult.kz.
Jasandy intellekt jáne tsifrlyq damý vitse-ministri Rostislav Koniashkinniń aitýynsha, HQKO-lar self-aimaqtar men ózindik qyzmet kórsetý keńistikteri úlgisine kóshedi. Bul ortalyqtarda qyzmetkerler qaǵaz qabyldap, anyqtama berýshi emes, azamattarǵa keńes berip, tsifrlyq qyzmetterdi paidalanýǵa baǵyttaityn maman rólin atqarady.
Negizgi maqsat – turǵyndardy memlekettik qyzmetterdi onlain alýǵa úiretý. Degenmen, qalalarda dástúrli qyzmet kórsetý aimaqtarynyń belgili bir bóligi saqtalady. Bul tsifrlyq servisterdi paidalaný daǵdysy qalyptaspaǵan azamattar úshin ótpeli sheshim retinde qarastyrylǵan.
Biyldan bastap onlain formatta kórsetiletin memlekettik qyzmetterdiń tizimi keńeiedi. Atap aitqanda, jeke kýálikti joǵaltyp alǵan jaǵdaida qaita rásimdeý, pasportty alǵash ret alý siiaqty mańyzdy qyzmetter tolyqtai tsifrlyq júiege kóshedi.
Sonymen qatar, júrgizýshi kýáligin qaita alý qyzmeti qazirdiń ózinde onlain formatta qoljetimdi. Al júrgizýshi kýáligin alǵash ret alý úshin ótinish tek internet arqyly qabyldanady.
