فوتو: gov.kz
قازاقستاندا حالىققا قىزمەت كٶرسەتۋ ورتالىقتارىنىڭ (حقكو) جۇمىسى كەزەڭ-كەزەڭٸمەن جاڭعىرتىلادى. بولاشاقتا دەستٷرلٸ «تەرەزەلەر» سانى قىسقارىپ, قىزمەتتەردٸڭ باسىم بٶلٸگٸ ونلاين فورماتتا كٶرسەتٸلەدٸ, دەپ حابارلايدى Ult.kz.
جاساندى ينتەللەكت جەنە تسيفرلىق دامۋ ۆيتسە-مينيسترٸ روستيسلاۆ كونياشكيننٸڭ ايتۋىنشا, حقكو-لار سەلف-ايماقتار مەن ٶزٸندٸك قىزمەت كٶرسەتۋ كەڭٸستٸكتەرٸ ٷلگٸسٸنە كٶشەدٸ. بۇل ورتالىقتاردا قىزمەتكەرلەر قاعاز قابىلداپ, انىقتاما بەرۋشٸ ەمەس, ازاماتتارعا كەڭەس بەرٸپ, تسيفرلىق قىزمەتتەردٸ پايدالانۋعا باعىتتايتىن مامان رٶلٸن اتقارادى.
نەگٸزگٸ ماقسات – تۇرعىنداردى مەملەكەتتٸك قىزمەتتەردٸ ونلاين الۋعا ٷيرەتۋ. دەگەنمەن, قالالاردا دەستٷرلٸ قىزمەت كٶرسەتۋ ايماقتارىنىڭ بەلگٸلٸ بٸر بٶلٸگٸ ساقتالادى. بۇل تسيفرلىق سەرۆيستەردٸ پايدالانۋ داعدىسى قالىپتاسپاعان ازاماتتار ٷشٸن ٶتپەلٸ شەشٸم رەتٸندە قاراستىرىلعان.
بيىلدان باستاپ ونلاين فورماتتا كٶرسەتٸلەتٸن مەملەكەتتٸك قىزمەتتەردٸڭ تٸزٸمٸ كەڭەيەدٸ. اتاپ ايتقاندا, جەكە كۋەلٸكتٸ جوعالتىپ العان جاعدايدا قايتا رەسٸمدەۋ, پاسپورتتى العاش رەت الۋ سيياقتى ماڭىزدى قىزمەتتەر تولىقتاي تسيفرلىق جٷيەگە كٶشەدٸ.
سونىمەن قاتار, جٷرگٸزۋشٸ كۋەلٸگٸن قايتا الۋ قىزمەتٸ قازٸردٸڭ ٶزٸندە ونلاين فورماتتا قولجەتٸمدٸ. ال جٷرگٸزۋشٸ كۋەلٸگٸن العاش رەت الۋ ٷشٸن ٶتٸنٸش تەك ينتەرنەت ارقىلى قابىلدانادى.
