Internet joq Aqmola oblysynyń Andreevka aýylynda eQoldau ashyq qoljetimdiliktiń birinshi pýnkti ornatyldy. Bul týraly tsifrlyq damý, innovatsiialar jáne aeroǵarysh ónerkásibi ministrligi habarlady. Joba aýyldyq jerlerde eQoldau pýnktteri jelisin qurýdy kózdeidi, dep habarlady vedomstvo. Osylaisha, ózine-ózi qyzmet kórsetý terminaldary Qazaqstan boiynsha 553 aýyldyq ákimdikte ornatylady, - dep habarlaidy «Ult aqparat».
Munda adamdar memlekettik qyzmetterdi ala alady, elektrondyq eńbek birjasynyń servisin paidalana alady, marketpleisterde tehnika men túrli taýarlardy, sondai-aq poiyzdar men ushaqtarǵa biletterdi satyp ala alady.
Sonymen qatar kommýnaldyq qyzmetter úshin onlain-tólemder jasai alady, aqsha aýdarymdaryn jasai alady, dárigerdiń qabyldaýyna jazyla alady jáne telemeditsina servisterine qol jetkize alady. Jańashldyq arqasynda aýyl turǵynary poshta qyzmetterine jáne kýrerlik jetkizýge tapsyrys bere alady.
Sonymen qatar eQoldau pýnktteri Wi-Fi taratady jáne aýyl turǵyndary ózderiniń gadjetterinde internetke qosyla alady.
Aqmola oblysy Andreevka aýylynyń ákimdiginde birinshi ashyq kirý pýnkti ornatyldy.
"QQO-ny qala men aýyl arasyndaǵy tsifrlyq teńsizdikti joiýdyń taǵy bir qadamy dep sanaýǵa bolady (...) Andreevka biz osyndai qurylǵyny ornatqan alǵashqy aýyl. Meniń oiymsha, barlyq aýyldyq eldi mekenderge biz osy servisti engizemiz", - dep atap ótti tsifrlyq damý, innovatsiialar jáne aeroǵarysh ónerkásibi vitse-ministri Ashat Orazbek.
Aita keteiik, biraz ýaqyt buryn tsifrlyq damý, innovatsiialar jáne aeroǵarysh ónerkásibi ministrligi Britandyq OneWeb kompaniiasymen ózara túsinistik jáne yntymaqtastyq týraly Memorandýmǵa qol qoidy.
Qol qoiylǵan memorandýmǵa sáikes, ministrlik pen OneWeb spýtniktik bailanys salasynda tyǵyz yntymaqtasatyn bolady.
Tsifrlyq damý ministrliginiń habarlaýynsha, bul taraptarǵa Qazaqstan aýmaǵyn, onyń ishinde shalǵai jáne qatynaýy qiyn aýyldyq eldi mekenderdi OneWeb bailanys spýtnikteri arqyly joǵary jyldamdyqty keń jolaqty internetpen jappai qamtý máselesin pysyqtaýǵa múmkindik beredi.
Sondai-aq, qos tarap Qazaqstan astanasynda ǵarysh apparattaryn qurastyrý-synaý kesheni bazasynda OneWeb spýtnigine jiyntyqtaýyshtardy qurastyrý boiynsha yntymaqtastyqty qarastyrýda.
Sonymen qatar Ortalyq Aziiany spýtniktik internetpen qamtamasyz etetin OneWeb Ortalyq Aziia tehnikalyq ortalyǵyn ashý josparlanǵan.
OneWeb – búkil álem turǵyndaryn internetke keńjolaqty qoljetimdilikpen qamtamasyz etý boiynsha Ulybritaniiada tirkelgen kompaniianyń jobasy. Ol úshin kompaniia spýtnikterdiń úlken tobyn iske qosýdy bastady, olardyń jalpy sany 2000 bolady dep josparlanyp otyr. Barlyq qurylǵy 2026 jylǵa qarai orbitaǵa shyǵarylatyndyǵy týraly habarlandy.
Al sońǵy aqparatqa sáikes, Qazaqstanda 1 200-ge jýyq aýyl áli kúnge deiin jelisiz ómir súrip jatyr.
510 aýylda internet sapasy nashar. Sondyqtan tsifrly damý ministrligi 2022 jyldyń sońyna deiin 510 aýyldyq okrýgti sapaly internetpen qamtamasyz etýdi maqsat etip otyr. Al 1 200 aýyldyq okrýgke keletin bolsaq, onda Internet berý OneWeb-pen kelisim aiasynda júzege asyrylatyn bolady, dep málimdegen edi Baǵdat Mýsin. Ministrdiń aitýynga, 50-den az adam turatyn eldi mekenderge internet ótkizý máselesi áli talqylanyp jatyr.
Sonymen qatar tsifrlyq damý jáne aeroǵarysh ónerkásibi ministri Baǵdat Mýsin bir sózinde 2024 jyly KazSat-2 spýtnigin paidalaný aiaqtalǵannan keiin eldiń Internetpen qalai qamtamasyz etiletinin aitty.
"Shyn máninde, KazSat-2 jáne KazSat-3 75% júktelgen. Biz búginde ǵarysh salasyndaǵy oqiǵalardyń tehnologiialardy aýystyrý turǵysynan qanshalyqty qarqyndy damyp jatqanyn kórip otyrmyz. KazSat-2 jáne KazSat-3 geostatsionarlyq spýtnikter bolyp tabylady, olar shynymen de internetti usynady. Biraq bul internettiń jyldamdyǵy sekýndyna 10 megabit. Al biz qazir jalpy tehnologiialardyń damyǵanyna jáne 2019 jylǵa deiin startap rejiminde jumys istegen tómengi orbitalyq toptardyń 2020 jyly ónerkásiptik paidalanýǵa shyqqanyna nazar aýdaramyz",-dedi Baǵdat Mýsin.
Esterińizge sala keteiik, internet joq Aqmola oblysynyń Andreevka aýylynda eQoldau ashyq qoljetimdiliktiń birinshi pýnkti ornatyldy. Joba aýyldyq jerlerde eQoldau pýnktteri jelisin qurýdy kózdeidi, dep habarlady vedomstvo. Osylaisha, ózine-ózi qyzmet kórsetý terminaldary Qazaqstan boiynsha 553 aýyldyq ákimdikte ornatylady. Munda adamdar memlekettik qyzmetterdi ala alady, elektrondyq eńbek birjasynyń servisin paidalana alady, marketpleisterde tehnika men túrli taýarlardy, sondai-aq poiyzdar men ushaqtarǵa biletterdi satyp ala alady.
