Foto: gov.kz
Qazaqstanda búginde 10 044 673 er azamat turady. Bul týraly Ulttyq statistika biýrosy Otan qorǵaýshy kúni qarsańynda jariialady, dep habarlaidy Ult.kz.
Statistikaǵa sáikes, eldegi er adamdardyń basym bóligi eńbekke qabiletti jasta. Atap aitqanda, er azamattardyń 56,5 paiyzy 16-60 jas aralyǵynda. Al 0-15 jas aralyǵyndaǵy ul balalar úlesi – 30,2 paiyz bolsa, 61 jastan asqan erler sany 13,3 paiyzdy quraidy.
Er adamdar eń kóp shoǵyrlanǵan óńirler qatarynda Almaty men Túrkistan oblysy kósh bastap tur. Eki óńirde de er azamattar sany 1,1 millionǵa jetken. Sondai-aq Almaty oblysynda 806,5 myń, al Astana qalasynda 785,4 myń er adam turady.
Ulttyq statistika biýrosynyń málimetinshe, qazaqstandyq erlerdiń ortasha jasy – 31,1 jas. Al kútiletin ómir súrý uzaqtyǵy 72,19 jyldy qurap otyr.
Eńbek naryǵyndaǵy kórsetkishter de nazar aýdartady. 2025 jylǵy derek boiynsha, jumyspen qamtylǵan halyqtyń 51,6 paiyzy nemese 4,8 million adam – er azamattar. Jaldamaly qyzmetkerler arasyndaǵy erler úlesi 50,6 paiyz bolsa, óz betinshe jumyspen qamtylǵandar arasynda bul kórsetkish 55,1 paiyzǵa jetken.
Er adamdar kóp eńbek etetin salalardyń kóshin ónerkásip bastap tur – 16,5 paiyz. Budan keiin kóterme saýda (14%), aýyl sharýashylyǵy (12,4%), kólik jáne qoimalaý salasy (11,1%) ornalasqan.
Sondai-aq jeke kásipkerler arasynda da er azamattardyń úlesi joǵary. Búginde kásipker erlerdiń úlesi 54,7 paiyzdy quraidy.
Statistika eń belsendi eńbek jasyndaǵy er azamattar 35-44 jas aralyǵynda ekenin kórsetti. Bul sanatqa 1,4 millionnan astam adam kiredi.
