Foto: sakura-nursultan.e-orda.kz
Ústine fýtbol qaqpasy qulap qaitys bolǵan balanyń ólimine kinálilerdi tergeý anyqtaidy. Bul týraly Oqý-aǵartý ministri Ǵani Beisembaev málimdedi.
Úkimet kýlýarynda jýrnalister Oqý-aǵartý ministrligi basshysynan bala ólimi úshin jaýapkershilikti kim alatynyn surady: mektep ákimshiligi me, balanyń ata-anasy ma álde fýtbol alańynyń iesi me?
"Qazir tergeý amaldary júrgizilip jatyr, aiaqtalǵannan keiin belgili bolady", - dedi Beisembaev.
Sondai-aq ol barlyq mekteptiń sport alańqaiy tekseriletinin atap ótti.
"Bilim basqarmalary kesheden beri meniń tapsyrmam boiynsha barlyq mekteptiń sport alańyn tekserip jatyr. Tek Astananyń ǵana emes, elimiz boiynsha barlyq mekteptiń sport alańy men qural-jabdyqtary tekseriledi", - dep túsindirdi ol.
Eske sala keteiik, 7 tamyzda Astana qalasyndaǵy №10 mekteptiń aýmaǵynda 10 jastaǵy balanyń ústine fýtbol qaqpasy qulap, oqýshy oqiǵa ornynda qaitys boldy.
