Qazaqstan meshitterinde úilengisi keletin jandarǵa arnalǵan nekege deiingi keńes berý materialdary taratyldy, dep habarlaidy "Ult aqparat" BUU Halyqtyń qonystaný salasyndaǵy qorynyń (IýNPFA) Qazaqstandaǵy ókildigine silteme jasap.
Basylymdy IýNFPA Qazaqstan Musylmandary dini basqarmasynyń maquldaýymen ázirlegen jáne 80 000 anyqtama Qazaqstannyń barlyq aimaqtaryndaǵy meshitterge taratylǵan.
Materialdar erli-zaiyptylarǵa rýhani jáne otbasylyq qundylyqtarǵa, islam erejelerine, sondai-aq memlekettik jáne halyqaralyq adam quqyqtary standarttaryna sáikes otbasyn qurýǵa kómektesedi.
«Dini kóshbasshylar reprodýktivti densaýlyqty nyǵaitýǵa, onyń ishinde otbasyn josparlaýǵa, genderlik zorlyq-zombylyqtyń aldyn alýǵa jáne oǵan den qoiýǵa, sondai-aq erte jastaǵy májbúrli neke siiaqty ziiandy praktikalardyń aldyn alýǵa yqpal etetin qoǵamdastyqtar deńgeiinde adam quqyqtaryn ilgeriletýde úlken ról atqarady», - dedi IýNFPA-nyń halyqty qonystandyrý, damytý jáne genderlik máseleler jónindegi ulttyq úilestirýshisi Ǵaziza Moldaqulova.
Uiymnyń habarlaýynsha, 2020 jylǵy «Qazaqstandyq otbasylar» ulttyq baiandamasynda árbir úshinshi neke buzylyp, árbir altynshy otbasy balaly bola almaityny, al ata-analardyń 62%-y óz balalaryn tárbieleýge qatyspaityny jazylǵan. Otbasyndaǵy zorlyq-zombylyqty sol saýalnamaǵa jaýap berýshiler ajyrasý týraly sheshim qabyldaýdyń eń mańyzdy faktory dep ataǵan. Ázirlengen materialdar islamda nekege turý sheshimi qabyldaǵan kezde erler de, áielder de qabyldaýy kerek ózara qoldaý men jaýapkershilik týraly praktikalyq aqparatty qamtidy.
«Zorlyq-zombylyqsyz, otbasyn josparlaý, jaýapty ata-ana bolý jáne islamdaǵy basqa da ómirlik mańyzdy salalardy, olardyń ulttyq jáne halyqaralyq qujattarda bekitilgen adam quqyqtarynyń negizgi qaǵidattaryna qalai negizdelgenin bilý erli-zaiyptylarǵa súiispenshilikte, ózara qurmet pen túsinistikte ómir súrýde basty ról atqarady», - dedi IýNFPA-nyń Qazaqstandaǵy ókili jáne Qyrǵyzstan men Túrikmenstandaǵy eldik direktory Djýliia Valeze.
Aita keteiik, materialdar meshitterde nekege turǵan erli-zaiyptylarǵa beriledi.
