Foto: sona.kz
Almatyda Qazaqstandaǵy alǵashqy krematorii jaqyn arada jumysyn bastaidy. Bul týraly qalalyq Qoǵamdyq densaýlyq saqtaý basqarmasy málimdedi, - dep habarlaidy Ult.kz.
Vedomstvonyń málimetinshe, 9 qańtarda Ádilet ministrliginde Ulttyq ekonomika ministrliginiń buiryǵy tirkelgen. Qujatta jerleý jáne qabirlerdi kútip-ustaý isin uiymdastyrýdyń qaǵidalaryna ózgerister engizý kózdelgen.
Qabyldanǵan túzetýler krematoriilerdiń qyzmetine quqyqtyq negiz qalyptastyryp, Qazaqstan aýmaǵynda krematsiia rásimin alǵash ret zańnamalyq deńgeide júrgizýge múmkindik beredi.
"Buiryq kúshine engennen keiin Almatydaǵy krematorii jumysyn bastap, sanitarlyq jáne quqyqtyq talaptardy saqtai otyryp, belgilengen tártippen qyzmet kórsetedi", – delingen habarlamada.
Sonymen qatar, qazir Almaty qalalyq patologoanatomiialyq biýrosynyń baiqaý keńesi arqyly krematsiia qyzmetteriniń baǵalar tizbesin bekitý rásimi jalǵasyp jatyr.
Tarifter men qyzmet kórsetý tártibi týraly aqparat Almaty qalalyq patologoanatomiialyq biýrosynyń resmi saitynda jariialanatyn bolady.
Eske salaiyq, 2025 jylǵy qyrkúiekte Almatynyń kommýnaldyq infraqurylym jáne turǵyn úi inspektsiiasy basqarmasy aldaǵy alty-jeti jylda qaladaǵy zirattarda marqumdardy jerleýge oryn qalmaitynyn málimdegen edi. Olardyń dereginshe, 2025 jylǵy jaǵdai boiynsha Almatyda 70 zirat bar, sonyń 61-i jabylǵan. Jańa zirattarǵa arnalǵan jer telimderi bekitilip jatyr, alaida olar Almaty oblysynyń aýmaǵynda ornalasady.
