Qazaqstanda alǵashqy atom elektr stantsiiasy 2035 jylǵa qarai paida bolýy múmkin. Bul týraly Almatyda AES qurylysynyń ekonomikalyq aspektilerin talqylaý jónindegi dóńgelek ústelde aityldy, - dep habarlaidy Tengrinews.kz.
Búginde álem boiynsha 441 atom elektr stantsiiasy jumys isteidi. AES 32 elde bar, olardyń ishinde AQSh, Frantsiia, Japoniia jáne Úndistan kósh bastap tur. Aldaǵy ýaqytta alǵashqy AES Belarýs, BAÁ, Bangladesh jáne Túrkiiada paida bolady. Bul tizimge Qazaqstan da qosylýy múmkin.
"Daiyndyq jumystarynyń kezeńi shamamen bes jyl bolady. Bul ýaqytta TEN men JSQ ázirlenedi. AES qurylysynyń negizgi kezeńi alty jyldai bolady. Jobany iske asyrý merzimi sheshim qabyldanǵan kúnnen bastap shamamen 10-11 jyldy alady.
Eger kelesi jyly reaktor jetkizýshisin anyqtap, TEN ázirleýge kirissek, AES paidalanýǵa berý 2035 jyly júrgizilýi múmkin", - dedi "Qazaqstandyq atom elektr stantsiialary" bas direktory Timýr Jantikin.
Ol AES salý kezinde III jáne III+ býyndy iadrolyq reaktorlardy qarastyrý qajet ekenin atap ótti. Onyń aitýynsha, bul - álemde synalǵan jáne senimdi tehnologiialar.
