Qazaqstan boiynsha mektepterdegi karantin talaptarynyń saqtalýyna monitoring júrgizý jalǵasýda. 2021 jyldyń 1-29 sáýir aralyǵynda 1688 tekseris júrgizildi, dep habarlaidy "Ult aqparat" QR QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Nátijesinde 292 (17,2%) mektepte karantin talaptaryn buzý jaǵdailary anyqtaldy.
Bilim berý oryndarynda bolǵan karantin rejimi talaptarynyń negizgi buzýshylyqtary retinde kelesi faktorlardy atap ótýge bolady: birqatar mektepterde betperde rejimi saqtalmaǵan, araqashyqtyq belgileri qoiylmaǵan, bólmelerge ylǵaldy tazalaý jáne zalalsyzdandyrý júrgizý kestesi buzylǵan, synyptardaǵy partalar arasyndaǵy qashyqtyq saqtalmaǵan. Sondai-aq bakteritsidtik shamdardyń, sanitaizerler men zalalsyzdandyrý quraldarynyń jetkiliksizdigin anyqtaldy.
Biylǵy jyldyń 23-29 sáýiri aralyǵynda monitoringtik toptar 643 mektepke tekserý júrgizdi. Karantin talaptaryn buzý jaǵdailary 139 mektepte anyqtaldy, iaǵni 21,6%-i karantin rejimi tártibin buza otyryp jumys istegen.
Maska rejimin buzý faktileri 27 mektepte anyqtaldy, 19 mektepte tańerteńgi súzgi júrgizý tártibi buzylǵan, 6 mektepte áleýmettik araqashyqtyq belgileri joq, 29 mektep tolyq kólemde sanitaizerlermen qamtamasyz etilmegen, 34 mektepte ylǵaldy tazalaý jáne dezinfektsiia júrgizilmegen.
Buzýshylyqtar sany boiynsha joǵary kórsetkisher kelesi aimaqtarda anyqtaldy:
Qaraǵandy oblysynda – 25 buzýshylyq;
Qyzylorda oblysynda – 21;
Túrkistan oblysynda– 17.
Anyqtalǵan barlyq karantindik, sanitariialyq-gigienalyq talaptardy buzý boiynsha QR ÁQBtK-niń 425-babyna sáikes 312 tulǵaǵa jalpy kólemi 28 876 184 teńge ákimshilik aiyppul salyndy.
Mektepterde túsindirý jumystary júrgizildi. Anyqtalǵan buzýshylyqtar tekserý barysynda joiyldy.
