Osy kúnderi Instagram-akkaýnttarda qazaqstandyq mektepterde jynystyq bilim berýge arnalǵan oqýlyqtardyń sýreti salynǵan post jariialandy.
Avtor jazylýshylaryn egov.kz saity arqyly kámeletke tolmaǵandardyń reprodýktivti jáne psihikalyq densaýlyǵyn qorǵaý boiynsha mediinalyq kómek uiymdastyrý erejelerine qarsy daýys berýge úndeidi. Bul rette post avtory «balalardyń nazaryna usynylatyn» jynystyq saýattylyq týraly kitaptaǵy sýretterdi kórsetken.
Shyn máninde, illiýstratsiia 2010 jyly Reseide basylyp shyqqan «Kak ia poiavilsia na svet» kitabynan alynǵan. Onyń qazaqstandyq bilim berýge esh qatysy joq.
Biraq bul aqparat áleýmettik jelilerde tez tarady, al kópbalaly ana Ziýar Jumanova bul máseleni sheshýlerin surap Q.K.Toqaev pen Elbasy N.Á.Nazarbaevqa hat jazǵan.
StopFake redaktsiiasy «Oqýlyq» respýblikalyq ǵylymi-praktikalyq ortalyǵyna habarlasyp, túsinikteme aldy.
«Postta kórsetilgen kitaptyń qazaqstandyq oqýlyqtarǵa esh qatysy joq. Onyń ústine Qazaqstanda mektepterde jynystyq tárbie berý sabaqtary ótkizilmeidi. Mektep oqýlyqtarynyń mazmuny Qazaqstan Respýblikasynyń memlekettik jalpyǵa mindetti standarttarǵa (QR MJMS), árbir pán boiynsha QR BǴM bekitken tiptik oqý josparlary men tiptik oqý baǵdarlamalaryna sáikes qurastyrylady. Bul qujattarda jynystyq tárbie berý týraly pán joq», — dedi Ortalyq direktory Ǵani Beisembaev.
Onyń aitýynsha, oqýlyqtardy mektep baǵdarlamasyna engizbes buryn onyń mazmuny saraptamadan ótedi jáne birneshe kezeńmen maquldanady. Sondyqtan jariialamas buryn aqparatty tekserý kerek. Oqýlyqtar QR MJMS maqsattary men mindetterine sáikes, sondai-aq tiptik oqý josparlary men tiptik baǵdarlamalarǵa laiyq bolýy kerek. tek Mektep muǵalimderi ǵana emes, joǵary oqý oryndarynyń oqytýshylary da sarapshy retinde tartylady. Sonymen qatar, daiyndyq barysynda «Oqýlyq» RǴPO saitynda jyl boiy qoǵamdyq talqylaý júrgiziledi.
Kitap avtorlary óńirlik seminarlarda óz jumystaryn tanystyryp, muǵalimder qaýymdastyǵynyń baǵalaýyna usynady. Saraptamalyq baǵa berilgen soń, QR Bilim jáne ǵylym ministrligi bekitken pánder boiynsha arnaiy komissiia qurylady, ol oqýlyqtardyń mazmunynyń oqý baǵdarlamalaryna sáikestigin anyqtaidy.
Sondai-aq, quqyqtyq baǵa berý úshin jalǵan aqparatty taratý faktileri IIM joldandy.
Eske salaiyq, feik (jalǵan) aqparat taratqany úshin Qazaqstanda QR QK 274-baby boiynsha 7 jylǵa deiin bas bostandyǵynan aiyrý qarastyrylǵan.
