وسى كٷندەرٸ Instagram-اككاۋنتتاردا قازاقستاندىق مەكتەپتەردە جىنىستىق بٸلٸم بەرۋگە ارنالعان وقۋلىقتاردىڭ سۋرەتٸ سالىنعان پوست جارييالاندى.
اۆتور جازىلۋشىلارىن egov.kz سايتى ارقىلى كەمەلەتكە تولماعانداردىڭ رەپرودۋكتيۆتٸ جەنە پسيحيكالىق دەنساۋلىعىن قورعاۋ بويىنشا مەديينالىق كٶمەك ۇيىمداستىرۋ ەرەجەلەرٸنە قارسى داۋىس بەرۋگە ٷندەيدٸ. بۇل رەتتە پوست اۆتورى «بالالاردىڭ نازارىنا ۇسىنىلاتىن» جىنىستىق ساۋاتتىلىق تۋرالى كٸتاپتاعى سۋرەتتەردٸ كٶرسەتكەن.
شىن مەنٸندە, يلليۋستراتسييا 2010 جىلى رەسەيدە باسىلىپ شىققان «كاك يا پوياۆيلسيا نا سۆەت» كٸتابىنان الىنعان. ونىڭ قازاقستاندىق بٸلٸم بەرۋگە ەش قاتىسى جوق.
بٸراق بۇل اقپارات ەلەۋمەتتٸك جەلٸلەردە تەز تارادى, ال كٶپبالالى انا زيۋار جۇمانوۆا بۇل مەسەلەنٸ شەشۋلەرٸن سۇراپ ق.ك.توقاەۆ پەن ەلباسى ن.ە.نازارباەۆقا حات جازعان.
StopFake رەداكتسيياسى «وقۋلىق» رەسپۋبليكالىق عىلىمي-پراكتيكالىق ورتالىعىنا حابارلاسىپ, تٷسٸنٸكتەمە الدى.
«پوستتا كٶرسەتٸلگەن كٸتاپتىڭ قازاقستاندىق وقۋلىقتارعا ەش قاتىسى جوق. ونىڭ ٷستٸنە قازاقستاندا مەكتەپتەردە جىنىستىق تەربيە بەرۋ ساباقتارى ٶتكٸزٸلمەيدٸ. مەكتەپ وقۋلىقتارىنىڭ مازمۇنى قازاقستان رەسپۋبليكاسىنىڭ مەملەكەتتٸك جالپىعا مٸندەتتٸ ستاندارتتارعا (قر مجمس), ەربٸر پەن بويىنشا قر بعم بەكٸتكەن تيپتٸك وقۋ جوسپارلارى مەن تيپتٸك وقۋ باعدارلامالارىنا سەيكەس قۇراستىرىلادى. بۇل قۇجاتتاردا جىنىستىق تەربيە بەرۋ تۋرالى پەن جوق», — دەدٸ ورتالىق ديرەكتورى عاني بەيسەمباەۆ.
ونىڭ ايتۋىنشا, وقۋلىقتاردى مەكتەپ باعدارلاماسىنا ەنگٸزبەس بۇرىن ونىڭ مازمۇنى ساراپتامادان ٶتەدٸ جەنە بٸرنەشە كەزەڭمەن ماقۇلدانادى. سوندىقتان جارييالاماس بۇرىن اقپاراتتى تەكسەرۋ كەرەك. وقۋلىقتار قر مجمس ماقساتتارى مەن مٸندەتتەرٸنە سەيكەس, سونداي-اق تيپتٸك وقۋ جوسپارلارى مەن تيپتٸك باعدارلامالارعا لايىق بولۋى كەرەك. تەك مەكتەپ مۇعالٸمدەرٸ عانا ەمەس, جوعارى وقۋ ورىندارىنىڭ وقىتۋشىلارى دا ساراپشى رەتٸندە تارتىلادى. سونىمەن قاتار, دايىندىق بارىسىندا «وقۋلىق» رعپو سايتىندا جىل بويى قوعامدىق تالقىلاۋ جٷرگٸزٸلەدٸ.
كٸتاپ اۆتورلارى ٶڭٸرلٸك سەمينارلاردا ٶز جۇمىستارىن تانىستىرىپ, مۇعالٸمدەر قاۋىمداستىعىنىڭ باعالاۋىنا ۇسىنادى. ساراپتامالىق باعا بەرٸلگەن سوڭ, قر بٸلٸم جەنە عىلىم مينيسترلٸگٸ بەكٸتكەن پەندەر بويىنشا ارنايى كوميسسييا قۇرىلادى, ول وقۋلىقتاردىڭ مازمۇنىنىڭ وقۋ باعدارلامالارىنا سەيكەستٸگٸن انىقتايدى.
سونداي-اق, قۇقىقتىق باعا بەرۋ ٷشٸن جالعان اقپاراتتى تاراتۋ فاكتٸلەرٸ ٸٸم جولداندى.
ەسكە سالايىق, فەيك (جالعان) اقپارات تاراتقانى ٷشٸن قازاقستاندا قر قك 274-بابى بويىنشا 7 جىلعا دەيٸن باس بوستاندىعىنان ايىرۋ قاراستىرىلعان.
