Qazaqstanda jylyna 10 myńǵa tarta adam jazasyn ótep, túrmeden shyǵady. Mundai statistikany QR Ishki ister ministrligi Qylmystyq atqarý júiesi komitetiniń tóraǵasy Janat Eshmaǵambetov keltirdi, dep habarlaidy QazAqparat.
«Jalpy, túzetý mekemeleriniń ákimshiligi jazasyn óteýshi ár azamatqa áleýmettik-quqyqtyq kómek kórsetý úshin jeke baǵdarlama jasaidy. Bosap shyqqanǵa deiin ár azamatqa naqty kómek kórsetedi. Tárbie jumysymen qatar, onyń quqyqtary men mindettemeleri túsindirilip, bosap shyqqannan keiin qaida baryp turatyny, jumys isteitini, týystarymen qarym-qatynasy, áleýmettik qarym-qatynasy, sondai-aq áleýmettik qajettilikteri suralady. Osy saýalnamadan alynǵan málimetter ákimdikterge, politsiia men probatsiia qyzmetterine joldanady», - dedi Janat Eshmaǵambetov IX Azamattyq forým jumysynyń taqyryptyq sessiiasynda.
Komitet basshysynyń aitýynsha, bul baǵytta atqarylyp jatqan jumystarǵa qur tsifrmen baǵa berý múmkin emes. Sebebi jyl saiyn koloniialardan 10 myńǵa tarta adam bostandyqqa shyǵady.
Biyl jyl basynan beri 7328 adam erkindikke shyqqan. Olardyń bárin qaita ómirge beiimdeý úshin mamandar tiisti jumysty júrgizedi.
