2020 jyldyń 7 aiynyń qorytyndysynda aýyl sharýashylyǵy óniminiń kólemi 1,7 trln teńgeni qurady. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy "Ult aqparat".
«Osy jyldyń 7 aiynyń qorytyndysy boiynsha jalpy aýyl sharýashylyǵy óniminiń kólemi 2,5 paiyzǵa ulǵaiyp, 1,7 trln teńgeni qurady. Bul ósim negizinen mal sharýashylyǵynda óndiris kóleminiń 2,6, onyń ishinde tiri salmaqta ettiń 3,6, súttiń 3 paiyzǵa ulǵaiýy esebinen qamtamasyz etildi», - dedi ol.
Ministrdiń aitýynsha, oblystar bólisinde respýblikalyq deńgeiden joǵary qarqyn Batys Qazaqstan, Aqtóbe, Qaraǵandy, Soltústik Qazaqstan jáne Aqmola oblystarynda baiqalyp otyr.
«6 aidyń qorytyndysynda iri qara mal sany 4,5, qoi sany 2,5, jylqy sany 8,5, túie sany 4, shoshqa sany 0,7 paiyzǵa ósti», - dedi Saparhan Omarov.
