"Nurly jol" memlekettik baǵdarlamasyn iske asyrý bastalǵannan beri avtojol salasynda 2,4 myń shaqyrym respýblikalyq mańyzy bar avtojoldar salyndy jáne qaita jańartyldy, dep habarlady QR IIDM baspasóz qyzmeti.
"2019 jyly Qaraǵandydan Almatyǵa deiin jáne Aqtóbeden Resei Federatsiiasynyń shekarasyna deiin (Astrahan qalasyna) qurylys jumystary bastaldy. Jyl qorytyndysy boiynsha 641 km qaita jańartylǵan jolǵa qozǵalys ashý josparlanýda. Astana-Pavlodar (441 km), Shýchinsk-Zerendi (80 km), Beineý-Aqjigit (85 km), Taskesken-Baqty (20 km), Jetibai-Jańaózen (73 km) jobalary boiynsha jumystar tolyq aiaqtalady", - dep habarlady QR IIDM basshysy Roman Skliar halyqpen eseptik kezdesýinde.
Onyń málimetinshe, respýblikalyq mańyzy bar avtojoldardyń 1,5 myń shaqyrymyn jóndeýmen qamtý kózdelgen. Avtomobil joldaryn normativtik kútip ustaý men saqtaýdy qamtamasyz etý maqsatynda jol júrý úshin aqy alý júiesin engizý jónindegi jobalardy iske asyrý jalǵasýda. Biylǵy jyldyń basynda jalpy uzyndyǵy 471 shaqyrym bolatyn Almaty-Qorǵas (295 km), Almaty-Qapshaǵai (42 km) jáne Astana-Temirtaý (134 km) jol ýchaskelerinde tólem jinaý bastaldy. Tutastai alǵanda, 2019 jyldyń qorytyndysy boiynsha aqyly ýchaskelerden (4 ýchaske) jinalatyn jyl saiynǵy alym shamamen 5,4 mlrd teńgeni quraidy.
Kelesi jyly taǵy 5,5 myń shaqyrymǵa aqy alý júiesin iske qosý josparlanýda, bul avtomobil joldaryn kútip ustaýǵa jumsalatyn shyǵyndardy edáýir qysqartýǵa múmkindik beredi.
"Nursultan Nazarbaevtyń óńiraralyq infraqurylymdy júieli damytý jónindegi tapsyrmasyn oryndaý maqsatynda 2018 jyly jergilikti jeliniń avtojoldaryn qarjylandyrý tepe-teń negizde 156 mlrd teńgege deiin jetkendikten, 4 myń km astam joldy jóndeýge múmkindik berdi. Aǵymdaǵy jyldan bastap biz qymbat kúrdeli jobalardan negizinen sýyq resaikling ádisi arqyly únemdi bolatyn ortasha jóndeýge kóshemiz. 2019 jyldan bastap jergilikti jol jelisin jóndeýge qarjylandyrý kólemi 200 mlrd teńgeni quraidy, bul 5 myń km astam jóndeý jumystarymen qamtýǵa múmkindik beredi", - dep atap ótti Roman Skliar.
3 jyldyq kezeńde jergilikti joldardy qarjylandyrýdyń jyl saiynǵy kólemi jylyna 5 myń shaqyrymǵa deiin jóndeý jumystaryn qamti otyryp, 200 mlrd teńgeden kem emes deńgeide saqtalatyn bolady. Mundai qarqyn keiingi jyldary da saqtalady. Bul 2025 jylǵa deiin shamamen 30 myń shaqyrymdy jóndeýge jáne jergilikti mańyzy bar avtojoldardyń 95% jaqsartýǵa múmkindik beredi.
Aita keteiik, keshe QR IIDM basshysy halyq aldynda esep bergen edi.
