elements.envato.com
Qazaqstanda jyl saiyn jol apatynan 2 myńnan asa adam qaza bolady. Bul týraly ishki ister ministri Marat Ahmetjanov málimdedi, - dep habarlaidy Tengrinews.kz.
"Jyl saiyn 13 myńnan asa jol apaty bolyp, 2 myńnan asa adam qaza taýyp, 18 myńnan astamy jaraqat alady", - dedi Ahmetjanov Úkimet otyrysynda.
Onyń aitýynsha, sońǵy tórt jylda jazataiym oqiǵalar azaiǵan.
"Jol apaty pandemiia kezinde aitarlyqtai tómendedi. Biraq áli kúnge deiin Almaty, Almaty oblysy, Jambyl jáne Túrkistan oblystarynda apattardyń joǵary deńgeii saqtalyp tur", - dep qosty ministr.
Ishki ister ministrliginiń málimetinshe, jyl basynan beri (8 ai ishinde) barlyq JKO kórsetkishteri ósken:
jol-kólik oqiǵalary - 14 paiyzǵa;
qaza bolǵandar - 18 paiyzǵa;
jaralanǵandar - 13 paiyzǵa.
Jyl basynan beri politsiia 4,5 millionnan astam jol qozǵalysy erejesin buzǵan derekti anyqtaǵan. 17,5 myńnan asa mas júrgizýshi ustalǵan.
