Biyl respýblika boiynsha 90,5 mln tonna munai óndirý josparlanyp otyr, dep habarlaidy QazAqparat.
«2019 jylǵy qańtar-qarashada óndiris kólemi 82,5 mln tonnaǵa jetip, jospardan asyra óndirilip (101,8%) jatyr. 2019 jyldyń sońyna deiin munai óndirý josparyn birshama asyra oryndap, kólemin 90,5 mln tonnaǵa jetkizý kózdelýde», - dedi Energetika vitse-ministri Áset Maǵaýov Úkimettiń baspasóz ortalyǵyndaǵy brifing barysynda.
Onyń aitýynsha, 90,5 mln tonna munaidyń 17 mln tonnasy Qazaqstanda qalady da, qalǵany eksportqa shyǵarylady. Bul rette 2019 jyly 3 iri jobada jóndeý jumystary júrgizilgen. Kúrdeli jóndeý aiaqtalǵannan keiin Qashaǵan ken ornynda munai óndirý kólemi táýligine 370 myń barrelge jetken.
«Teńiz ken oryndaryn keleshekte keńeitý jáne Qashaǵan ken ornynda gazdy keri aidaý qýatyn arttyrý jobalary esebinen 2023 jyldan bastap óndiris kólemin 100 mln tonnaǵa kóbeitý boljanyp otyr. Qalǵan kompaniialar boiynsha munai óndirisi tabiǵi azaiady degen boljam bar. Qyzylorda oblysynyń ken oryndarynda munai óndirý tómendeidi dep kútiledi», - dedi ol.
