بيىل رەسپۋبليكا بويىنشا 90,5 ملن توننا مۇناي ٶندٸرۋ جوسپارلانىپ وتىر, دەپ حابارلايدى قازاقپارات.
«2019 جىلعى قاڭتار-قاراشادا ٶندٸرٸس كٶلەمٸ 82,5 ملن تونناعا جەتٸپ, جوسپاردان اسىرا ٶندٸرٸلٸپ (101,8%) جاتىر. 2019 جىلدىڭ سوڭىنا دەيٸن مۇناي ٶندٸرۋ جوسپارىن بٸرشاما اسىرا ورىنداپ, كٶلەمٸن 90,5 ملن تونناعا جەتكٸزۋ كٶزدەلۋدە», - دەدٸ ەنەرگەتيكا ۆيتسە-مينيسترٸ ەسەت ماعاۋوۆ ٷكٸمەتتٸڭ باسپاسٶز ورتالىعىنداعى بريفينگ بارىسىندا.
ونىڭ ايتۋىنشا, 90,5 ملن توننا مۇنايدىڭ 17 ملن تونناسى قازاقستاندا قالادى دا, قالعانى ەكسپورتقا شىعارىلادى. بۇل رەتتە 2019 جىلى 3 ٸرٸ جوبادا جٶندەۋ جۇمىستارى جٷرگٸزٸلگەن. كٷردەلٸ جٶندەۋ اياقتالعاننان كەيٸن قاشاعان كەن ورنىندا مۇناي ٶندٸرۋ كٶلەمٸ تەۋلٸگٸنە 370 مىڭ باررەلگە جەتكەن.
«تەڭٸز كەن ورىندارىن كەلەشەكتە كەڭەيتۋ جەنە قاشاعان كەن ورنىندا گازدى كەرٸ ايداۋ قۋاتىن ارتتىرۋ جوبالارى ەسەبٸنەن 2023 جىلدان باستاپ ٶندٸرٸس كٶلەمٸن 100 ملن تونناعا كٶبەيتۋ بولجانىپ وتىر. قالعان كومپانييالار بويىنشا مۇناي ٶندٸرٸسٸ تابيعي ازايادى دەگەن بولجام بار. قىزىلوردا وبلىسىنىڭ كەن ورىندارىندا مۇناي ٶندٸرۋ تٶمەندەيدٸ دەپ كٷتٸلەدٸ», - دەدٸ ول.
