Foto: belinfund.by
Jyl basynan beri Qazaqstanda 6,8 million ákimshilik quqyq buzýshylyq tirkeldi, - dep habarlaidy "Ult aqparat".
Bas prokýratýranyń Quqyqtyq statistika jáne arnaiy esepke alý jónindegi komitetiniń ortalyqtandyrylǵan derekter banki málimetterine sáikes, 2023 jyldyń 8 aiynda shamamen 6,8 mln ákimshilik quqyq buzýshylyq tirkelgen.
"5,5 mln quqyq buzýshyǵa 128,2 mlrd teńge kóleminde aiyppul salynyp, onyń 88,3 mlrd teńgesi óndirildi.
Óz kezeginde, aiyppuldardyń basym bóligi nemese 4 mln aiyppul alǵashqy 7 táýlik ishinde 44,1 mlrd teńge somasyna 50% jeńildikpen tólendi.
Osy jyldyń ótken kezeńinde ákimshilik aiyppuldardy óndirip alý kórsetkishi 68,8%-dy qurady" - delingen habarlamada.
Eń kóp aiyppul salynǵan óńirler:
Almatyda – 16,8 mlrd teńge somasyna 1 mln quqyq buzýshylyq, 12,7 mlrd teńge tólendi.
Astanada – 12,7 mlrd teńge somasyna 800 myń quqyq buzýshylyq, 8,6 mlrd teńge tólendi.
Eń azy Pavlodar oblysynda - 11,8 mlrd teńge somasyna 92 myń aiyppul salynǵan, onyń 11,3 mlrd teńgesi tólengen.
Barlyq ákimshilik quqyq buzýshylyqtyń 95%-yn ishki ister organdary anyqtaǵan.
Ishki ister organdary 5,3 mln quqyq buzýshyǵa shamamen 68,4 mlrd teńge kóleminde aiyppul salǵan, onyń ishinde memleket biýdjetine 51,7 mlrd teńge túsken.
"Aiyppuldardyń negizgi bóligin foto-beinetirkeý kameralarymen tirkelgen quqyq buzýshylyqtar qurady, olar boiynsha 38,1 mlrd teńge somasyna 3,4 mln astam uiǵarym shyǵaryldy" - delingen habarlamada.
