Sybailas jemqorlyqqa qarsy qyzmet biylǵy jarty jyldaǵy jumysyn qorytyndylady. Biyl vedomstvo 874 tergeý júrgizip, onyń ishinde 694 is sotqa jetken. 101 laýazymdy tulǵa ustaldy, dep habarlaidy "Ult aqparat".
Antikordyń Telegram paraqshasyndaǵy málimetke sensek, jyl basynan beri 486 tulǵa sybailas jemqorlyq úshin jaýapqa tartylǵan.
Onyń ishinde 116 adam - para alǵany úshin, 211 - para bergeni úshin, 12 - deldal bolsa, taǵy 67 adam - alaiaqtyq, 33 adam - biýdjet qarjysyn jymqyrý, 32 - qyzmetin asyra paidalanǵany úshin sottalǵan.
Jemqorlyq jasap, isti bolǵan 114 qyzmetker bas bostandyǵynan aiyryldy, 47 tulǵanyń bas bostandyǵy shekteldi.
288 laýazymdy tulǵaǵa asa iri kólemde aiyppul salyndy, olar memleketke 1,5 mlrd teńgeden astam aiyppul tóleidi.
464 adam belgili bir qyzmetti atqarý quqyǵynan aiyrylsa, sot 94 adamnyń arnaiy áskeri nemese qurmetti ataǵyn jáne memlekettik nagradasyn alyp qoidy.
Beseýiniń múlki tárkilendi.
