سىبايلاس جەمقورلىققا قارسى قىزمەت بيىلعى جارتى جىلداعى جۇمىسىن قورىتىندىلادى. بيىل ۆەدومستۆو 874 تەرگەۋ جٷرگٸزٸپ, ونىڭ ٸشٸندە 694 ٸس سوتقا جەتكەن. 101 لاۋازىمدى تۇلعا ۇستالدى, دەپ حابارلايدى "ۇلت اقپارات".
انتيكوردىڭ Telegram پاراقشاسىنداعى مەلٸمەتكە سەنسەك, جىل باسىنان بەرٸ 486 تۇلعا سىبايلاس جەمقورلىق ٷشٸن جاۋاپقا تارتىلعان.
ونىڭ ٸشٸندە 116 ادام - پارا العانى ٷشٸن, 211 - پارا بەرگەنٸ ٷشٸن, 12 - دەلدال بولسا, تاعى 67 ادام - الاياقتىق, 33 ادام - بيۋدجەت قارجىسىن جىمقىرۋ, 32 - قىزمەتٸن اسىرا پايدالانعانى ٷشٸن سوتتالعان.
جەمقورلىق جاساپ, ٸستٸ بولعان 114 قىزمەتكەر باس بوستاندىعىنان ايىرىلدى, 47 تۇلعانىڭ باس بوستاندىعى شەكتەلدٸ.
288 لاۋازىمدى تۇلعاعا اسا ٸرٸ كٶلەمدە ايىپپۇل سالىندى, ولار مەملەكەتكە 1,5 ملرد تەڭگەدەن استام ايىپپۇل تٶلەيدٸ.
464 ادام بەلگٸلٸ بٸر قىزمەتتٸ اتقارۋ قۇقىعىنان ايىرىلسا, سوت 94 ادامنىڭ ارنايى ەسكەري نەمەسە قۇرمەتتٸ اتاعىن جەنە مەملەكەتتٸك ناگراداسىن الىپ قويدى.
بەسەۋٸنٸڭ مٷلكٸ تەركٸلەندٸ.
