Parament Májilisiniń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy "Ult aqparat".
Zań jobasynda júrgizýshilerdiń Qazaqstan Respýblikasynda berilgen júrgizýshi kýáligi men kólik quralyn tirkeý qujattaryn ózimen birge alyp júrmegeni úshin ákimshilik jaýapkershilikti alyp tastaýdy qarastyryp otyr. Alaida júrgizýshiler ózimen birge jeke kýáligin alyp júrýge mndetti bolady. Bul túzetýler shetel júrgizýshileri men sheteldik kólik quraldaryna qoldanylmaidy.
«Jol júrisi qaýipsizdigin kúsheitý maqsatynda zań jobasynda 2022 jyldan bastap atalǵan normany qoldanysqa engize otyryp, 10 jyldan asqan avtobýstardy bastapqy tirkeýge tyiym salý arqyly olardy paidalaný merzimi boiynsha shekteý engizý kózdelip otyr», - dedi Májilis depýtaty Magerram Magerramov.
Bul rette buryn Qazaqstanda tirkelgen jáne jolaýshylardy, onyń ishinde aýyldyq jerlerde jolaýshylardy tasymaldaý úshin paidalanylatyn avtobýstardy paidalaný shektelmeidi.
Osy normany engizý jolaýshylardy tasymaldaý qaýipsizdigin arttyrýǵa múmkindik beredi, sondai-aq qoldanystaǵy avtobýstar parkin birtindep jańartyp, ekologiialyq jaǵdaiǵa oń áser etedi.
Budan buryn habarlanǵandai, ótken aptada Májilistiń jalpy otyrysynda «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldanǵan bolatyn.
