Búgin Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrý engizý týraly» Zańy eki oqylymda qaralyp, qabyldandy, dep habarlaidy "Ult aqparat".
Zańynyń jobasy birqatar Parlament depýtattarynyń bastamashylyǵymen ázirlendi. Qujat Memleket basshysynyń Ulttyq qoǵamdyq senim keńesiniń otyrysynda bergen tapsyrmasyn iske asyrýǵa jáne jol júrisi salasyndaǵy zańnamany jetildirip, azamattardyń, qoǵam men memlekettiń quqyqtaryn jáne múddelerin qorǵaýǵa, jol-kólik quraldarynyń tiimdi ári qaýipsiz qyzmetin qamtamasyz etýge baǵyttalǵan.
«Zań jobasynda Qazaqstan Respýblikasynda berilgen júrgizýshi kýáligi men kólik quralyn tirkeý týraly kýálikti ózimen birge alyp júrýdi talap etetin normany qoldanystaǵy zańnamadan alyp tastaý kózdelip otyr. Iaǵni avtokólik iesin politsiia toqtatqan kezde, ol jeke kýáligin usynyp, sol jeke kýálikpen politsiia qyzmetkeri planshet arqyly elektrondyq bazada onyń qajetti qujattary boiynsha tekserý júrgize alady», - dedi Senat depýtaty Nurlan Beknazarov.
Sonymen qatar, ákimshilik quqyq buzýshylyq týraly kodeksten, Qazaqstan Respýblikasynda berilgen júrgizýshi kýáligi men kólik quralyn tirkeý týraly kýálikti ózimen birge alyp júrýdi talap etetin normalardyń saqtalmaǵany úshin ákimshilik jaýapkershilikti alyp tastaý usynyldy.
«Zań jobasyndaǵy ózgerister men tolyqtyrýlar sheteldik júrgizýshiler men sheteldik kólik quraldaryna qoldanylmaidy, iaǵni olar ózimen birge barlyq qajetti qujattardy alyp júrýge mindetti», - dep naqtylady senator.
Eki oqylymda bolǵan talqylaýdan keiin depýtattar Zańdy qabyldady.
Senat tóraǵasy Máýlen Áshimbaev qabyldanǵan zań Memleket basshysynyń Ulttyq qoǵamdyq senim keńesiniń jumysynda jasaǵan usynystary aiasynda ázirlengenin eske saldy.
«Soǵan sáikes, endi kólik júrgizgende júrgizýshi kýáligin jáne kóliktiń tehnikalyq pasportyn birge alyp júrý mindeti alynyp tastalady. Bul tsifrlandyrý jumystarynyń naqty nátijesi ekeni sózsiz», – dedi M. Áshimbaev.
