بٷگٸن پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جول جٷرٸسٸ مەسەلەلەرٸ بويىنشا ٶزگەرٸستەر مەن تولىقتىرۋ ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى "ۇلت اقپارات".
زاڭىنىڭ جوباسى بٸرقاتار پارلامەنت دەپۋتاتتارىنىڭ باستاماشىلىعىمەن ەزٸرلەندٸ. قۇجات مەملەكەت باسشىسىنىڭ ۇلتتىق قوعامدىق سەنٸم كەڭەسٸنٸڭ وتىرىسىندا بەرگەن تاپسىرماسىن ٸسكە اسىرۋعا جەنە جول جٷرٸسٸ سالاسىنداعى زاڭنامانى جەتٸلدٸرٸپ, ازاماتتاردىڭ, قوعام مەن مەملەكەتتٸڭ قۇقىقتارىن جەنە مٷددەلەرٸن قورعاۋعا, جول-كٶلٸك قۇرالدارىنىڭ تيٸمدٸ ەرٸ قاۋٸپسٸز قىزمەتٸن قامتاماسىز ەتۋگە باعىتتالعان.
«زاڭ جوباسىندا قازاقستان رەسپۋبليكاسىندا بەرٸلگەن جٷرگٸزۋشٸ كۋەلٸگٸ مەن كٶلٸك قۇرالىن تٸركەۋ تۋرالى كۋەلٸكتٸ ٶزٸمەن بٸرگە الىپ جٷرۋدٸ تالاپ ەتەتٸن نورمانى قولدانىستاعى زاڭنامادان الىپ تاستاۋ كٶزدەلٸپ وتىر. ياعني اۆتوكٶلٸك يەسٸن پوليتسييا توقتاتقان كەزدە, ول جەكە كۋەلٸگٸن ۇسىنىپ, سول جەكە كۋەلٸكپەن پوليتسييا قىزمەتكەرٸ پلانشەت ارقىلى ەلەكتروندىق بازادا ونىڭ قاجەتتٸ قۇجاتتارى بويىنشا تەكسەرۋ جٷرگٸزە الادى», - دەدٸ سەنات دەپۋتاتى نۇرلان بەكنازاروۆ.
سونىمەن قاتار, ەكٸمشٸلٸك قۇقىق بۇزۋشىلىق تۋرالى كودەكستەن, قازاقستان رەسپۋبليكاسىندا بەرٸلگەن جٷرگٸزۋشٸ كۋەلٸگٸ مەن كٶلٸك قۇرالىن تٸركەۋ تۋرالى كۋەلٸكتٸ ٶزٸمەن بٸرگە الىپ جٷرۋدٸ تالاپ ەتەتٸن نورمالاردىڭ ساقتالماعانى ٷشٸن ەكٸمشٸلٸك جاۋاپكەرشٸلٸكتٸ الىپ تاستاۋ ۇسىنىلدى.
«زاڭ جوباسىنداعى ٶزگەرٸستەر مەن تولىقتىرۋلار شەتەلدٸك جٷرگٸزۋشٸلەر مەن شەتەلدٸك كٶلٸك قۇرالدارىنا قولدانىلمايدى, ياعني ولار ٶزٸمەن بٸرگە بارلىق قاجەتتٸ قۇجاتتاردى الىپ جٷرۋگە مٸندەتتٸ», - دەپ ناقتىلادى سەناتور.
ەكٸ وقىلىمدا بولعان تالقىلاۋدان كەيٸن دەپۋتاتتار زاڭدى قابىلدادى.
سەنات تٶراعاسى مەۋلەن ەشٸمباەۆ قابىلدانعان زاڭ مەملەكەت باسشىسىنىڭ ۇلتتىق قوعامدىق سەنٸم كەڭەسٸنٸڭ جۇمىسىندا جاساعان ۇسىنىستارى اياسىندا ەزٸرلەنگەنٸن ەسكە سالدى.
«سوعان سەيكەس, ەندٸ كٶلٸك جٷرگٸزگەندە جٷرگٸزۋشٸ كۋەلٸگٸن جەنە كٶلٸكتٸڭ تەحنيكالىق پاسپورتىن بٸرگە الىپ جٷرۋ مٸندەتٸ الىنىپ تاستالادى. بۇل تسيفرلاندىرۋ جۇمىستارىنىڭ ناقتى نەتيجەسٸ ەكەنٸ سٶزسٸز», – دەدٸ م. ەشٸمباەۆ.
