قىزىلوردادا كاراتەدەن ەلەم چەمپيونى مٶلدٸر جاڭبىربايدىڭ تۋعان كەلٸنٸ مەن بەس ايلىق جيەنٸ جول اپاتىنا ۇشىرادى. سەبي اۋرۋحانادا كٶز جۇمعان, ال اناسى جانساقتاۋ بٶلٸمٸندە جاتىر, دەپ حابارلايدى ult.kz.
سپورتشىنىڭ ايتۋىنشا, وقيعا كەزٸندە كەلٸنٸ نارگيز بەس ايلىق ۇلىمەن بٸرگە جول جيەگٸمەن كەلە جاتقان. ول جەردە تروتۋار بولماعان. وسى كەزدە قارسى جولاققا شىعىپ كەتكەن كٶلٸك اناسى مەن بالانى قاعىپ كەتكەن.
مٶلدٸر جاڭبىربايدىڭ سٶزٸنشە, سوققىدان اناسى مەن بالاسى بٸرنەشە مەترگە ۇشىپ كەتكەن. سەبي اسفالتقا, ال اناسى ارىققا قۇلاعان. بالانىڭ باسىنان اۋىر جاراقات الىپ, اۋرۋحانادا قايتىس بولعانى ايتىلادى.
قازٸر نارگيز جانساقتاۋ بٶلٸمٸندە جاتىر. سپورتشىنىڭ ايتۋىنشا, كەلٸنٸ اۋىر جاعدايدا بولعاندىقتان, وعان وتا جاساۋ ەزٸرگە مٷمكٸن بولماي وتىر. ول بالاسىنىڭ قايتىس بولعانىنان ەلٸ حابارسىز.
وقيعادان كەيٸن جٷرگٸزۋشٸ كٶلٸگٸن تاستاپ, وقيعا ورنىنان قاشىپ كەتكەن. مٶلدٸر جاڭبىربايدىڭ مەلٸمەتٸنشە, كٶلٸكتەن بٸرنەشە سىرا بٶتەلكەسٸ تابىلعان. الايدا بۇل اقپاراتقا قاتىستى رەسمي راستاۋ ەزٸرگە كەلتٸرٸلمەگەن.
سپورتشى ەلەۋمەتتٸك جەلٸدەگٸ جازباسىندا كٷدٸكتٸنٸڭ بۇرىن دا ادام قاققانىن جەنە ونىڭ ەكەسٸ قۇقىق قورعاۋ ورگاندارىندا قىزمەت ەتكەنٸن مەلٸمدەگەن.
قازٸرگٸ ۋاقىتتا جٷرگٸزۋشٸنٸڭ ۇستالعانى تۋرالى اقپارات جوق. وقيعانىڭ مەن-جايى مەن كٷدٸكتٸنٸ ٸزدەۋ بارىسىنا قاتىستى پوليتسييانىڭ رەسمي مەلٸمەتٸ قاجەت.
