Qazaqstanda júrgen sheteldik azamattar úshin vizalar men jumys ruqsattary 2020 jyldyń 20 sáýirine deiin uzartylady. Bul týraly QR Syrtqy ister minsitrliginiń Telegram-arnasynan málim boldy, dep habarlaidy "Ult aqparat".
«Qazaqstanda júrgen shetel azamattarynyń nazaryna! Qazaqstanda koronavirýs COVID-19 taralýyna qarsy áreket etý jónindegi shekteý sharalaryna bailanysty Qazaqstan Respýblikasy Prezidentiniń janyndaǵy tótenshe jaǵdai rejimin qamtamasyz etý jónindegi memlekettik komissiia Qazaqstanda júrgen sheteldik azamattar úshin vizalar men jumys ruqsattaryn 2020 jyldyń 20 sáýirine deiin uzartý, sondai-aq 57 el úshin vizasyz rejim týraly buryn qoldanysta bolǵan ereje boiynsha QR aýmaǵyna kelgen sheteldik azamattardyń bolý merzimin 30 kúnge uzartý týraly sheshim qabyldady», - delingen habarlamada.
Sondai-aq onda osy sanattardaǵy shetel azamattaryna qatysty ákimshilik sharalar qabyldanbaityndyǵy aitylǵan.
