قازاقستاندا جٷرگەن شەتەلدٸك ازاماتتار ٷشٸن ۆيزالار مەن جۇمىس رۇقساتتارى 2020 جىلدىڭ 20 سەۋٸرٸنە دەيٸن ۇزارتىلادى. بۇل تۋرالى قر سىرتقى ٸستەر مينسيترلٸگٸنٸڭ Telegram-ارناسىنان مەلٸم بولدى, دەپ حابارلايدى "ۇلت اقپارات".
«قازاقستاندا جٷرگەن شەتەل ازاماتتارىنىڭ نازارىنا! قازاقستاندا كوروناۆيرۋس COVID-19 تارالۋىنا قارسى ەرەكەت ەتۋ جٶنٸندەگٸ شەكتەۋ شارالارىنا بايلانىستى قازاقستان رەسپۋبليكاسى پرەزيدەنتٸنٸڭ جانىنداعى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييا قازاقستاندا جٷرگەن شەتەلدٸك ازاماتتار ٷشٸن ۆيزالار مەن جۇمىس رۇقساتتارىن 2020 جىلدىڭ 20 سەۋٸرٸنە دەيٸن ۇزارتۋ, سونداي-اق 57 ەل ٷشٸن ۆيزاسىز رەجيم تۋرالى بۇرىن قولدانىستا بولعان ەرەجە بويىنشا قر اۋماعىنا كەلگەن شەتەلدٸك ازاماتتاردىڭ بولۋ مەرزٸمٸن 30 كٷنگە ۇزارتۋ تۋرالى شەشٸم قابىلدادى», - دەلٸنگەن حابارلامادا.
سونداي-اق وندا وسى ساناتتارداعى شەتەل ازاماتتارىنا قاتىستى ەكٸمشٸلٸك شارالار قابىلدانبايتىندىعى ايتىلعان.
